ارجوكم اخواتي محتاجه مساعدتكم

كيفكم اخواتي والله يجزاها خير كل من تدخل وتساعدني
مشكلتي كتبها في الرد على موضوع بس الموضوع مدري وين راح
المهم انا لقيت في جوال زوجي في السجل رسائل متبادله مرسله ومستقبله شكيت بالرقم ودقيت لقيتها وحده قلتلها غلطانه وسكرت المهم زعلت مره من زوجي وشكيت فيه واتهمته بالخيانه بس هو قالي انها من ايام الملكه وهي تلاحقه وعارفه اسمي مع ان الخبر ماكان منتشر مره وتقوله وش تبي بفلانه وليش بتتزوجها وش معنى هي اخترتها....... ومن هالكلام هو طنشها وعلمني وقتها بكل شي وانا لما صارحني ارتحت وماخفت لانه ماخبى علي
المهم لما جا يصالحني قالي انها هذه نفسها اللي ايام الملكه كانت تدق

وقلتله ليش ترد عليها؟
قال قلتلها خافي الله ومن هالكلام انا سويت نفسي مصدقه وقلت له رقمها خط لازم نسأل ونشوف من هي
رفض وقال ماعلينا منها ومانبي نحطها فبالنا
انا اصريت وهو يقول لا مانبي نفضحها ربي سترها قلت لو ربي بيسترها ماوقع رقمها بيدي قال اصلا هذه الرسايل من زمان وهي بطلت قلت ماعليه باعرفها بس ماني قايلتلها شي ولا باعلم احد عنها
قال اوكي
ثاني يوم الفجر فتح جواله وتجيه رسايل بالارقام اللي دقت عليه لانه حاط خدمة موجود
قعد يقول الجوال امس طاح مني وخرب والرسايل كلها انمسحت
لما راح الحمام وانتم بكرامه فتحت السجل ولقيتها مرسله رسالتين الساعه6 الفجر ومالقيتها بصندوق الوارد عصبت وسألته قال انا مدري جتني رسايل كثير وانا بس امسح احسبها رسايل موجود.....(.نصب)
لان الحقيقه مامسح غير رسايلها ورسالتين من موجود بس
انا الشك ركبني مره ثانيه وقلتله لازم اسال عن الرقم قال خلاص انا بسأل لك قلتله لا انا اللي بسال زعل وقال خلاص مدام انا خاين اسألي سويت نفسي واثقه فيه وقلتله طيب خلاص انت اسأل
يابنات انتم وش رايكم انا كنت واثقه بس بديت اشك فيه
كل تصرفاته تشككني ليش ما قالي عالموضوع وعن رسايلها؟
وليش مايبغانا او بالاصح ما يبغاني انا اعرفها؟
وليش يمسح رسايلها مادام ماله ذنب فيها انا قيلتله اذا ارسلتلك اي شي علمني قال طيب بس ليش مسحها؟
التفكير ذبحني ...... ابنجن.... ماني قادره انام
اللي ممكن تساعدني الله يوفقها تقولي الحل و قولولي رايكم بصراحه وصدق هل شكي فمحله؟
وكيف اقدر اعرف اسمها اذا مالي احد بالهاتف ؟؟؟؟؟ اللي تقدر كمان تساعدني بهالموضوع الله يجزاها خير اذا تعرف بالهاتف وانا والله ماني ناويه افضحها بس بهددها علشان تقتنع اني اعرفها
ارجوكم اخواتي ساعدوني وادعوا لي

:26: :26: تحياتي