ااام هتون @aaam_hton

محررة

ارجوكم ادخلوا ضروري

انا لي قريبه كانت متزوجة واحد من جماعتها وجابت منه خمسة (3بنات وولدين) وكانت عايشه معاه حياه مافيها استقرار تنقلت معاه خلالها لعدة مدن بحكم عمله في الشرطة وهي كانت معلمة فكانت تتقدم بطلب النقل لكل منطقة ينقل اليها وعندما يتم نقلها ينقل هو الى منطقة اخرى وهكذا فقد عانت من التنقل والوحده الكثير الكثير ورغم ذلك كانت صابره ومتحمله ,, وكانت خلال هذه الفتره قد بدأت مع زوجها في بناء فيلا في احدى المدن ويمكن ماتصدقون لو اقول لكم انها كانت تعطيه شيك الراتب في يده عشان العمارة (طبعا زمان كانت الرواتب تصرف كاش او عن طريق شيكات) المهم سكنوا الفيلا بعد كم سنه من العمار وكانت شي خيال واستقروا في نفس المدينه اللي عمروا فيها لكن سبحان الله بعد سنتين تقريبا من السكن في الفيلا بدأت المشاكل بين الزوجين بشكل فضيع بدأت عندما سكن صديقه الأعزب في شقه في الدور العلوي من المنزل وكان عليه سلوكيات مشبوهة(اعتقد علاقلت وما الى ذلك) وكان لايأخذ منه أجار ولا شيء وكثر الشك في حياتهم والمشاكل حتى تم الإنفصال النهائي ,, واخذ ألأولاد الكبار (الكبيرة متوسط واللي اصغر في خامس والإثنين الصغار مادخلوا المدرسة)وهرب بهم الى بريطانيا وبعدين رجع واستقر بهم في احدى دول الخليج ,, طبها باقي البنت الخامسة اخذتها امها لأنها باقي في الأشهر ,, وباع البيت بأكثر بملغ كبير فاق المليون ريال واخذ الفلوس وجحدها وحرمها من عيالها مدة 6سنوات ,, طبعا هيه تزوجت بعد طلاقها بسنتين ورجعت لنفس المنطقة على امل ان عيالها يرجعون لنفس المنطقة ولكنها لم تنجب من زوجها الثاني,, وعانت الكثير من فراق اولادها وعدم توفر أي معلومات للإيصال بهم,, حتى قدر الله عليه وجاء في زياره لأهله وتم القبض عليه بتهمة معينه لا تخص قريبتي وبقي السجن سنه كاملة ,,وراح اخوه وجاب اولاده من الدوله الخليجية ونسيت ما اقولكم انه تزوج في السنه الأخيره من الست سنوات بأمراء من جنسية عربية الشهاده لله انها كانت ولازالت انسانه في منتهى الطيبة والأخلاق ,, وتم تسفيرها الى بلدها بعد القبض على زوجها وهي حامل ,,طبعا الأولاد والبنات صاروا في مدينه قريبه من امهم وراحت تشوفهم ولكم ان تتخيلوا كيف كان لقاء الأم بأولادها بعد الحرمان طول هالسنوات ,, والله العظيم مؤلم جداجدا,,واستمرت الزيارات واللقاءات طوال بقاء الأب في السجن ,, وبعد خروج الأب من السجن رجع حرم الأم مرة ثانية من عيالها ولكن استقر في نفس المدينه وعمر فيلا ثانية وجاب زوجته من بلدها ,,طبعا بالمقابل حرمته مايشوف البنت الصغيره اللي عندها وبدأ يطالب في البنت لأنها اصبحت كبيره و رفضت تسلمه البنت ,, وصاروا الأولاد الكبار يروحون يزورون امهم بالخفا عن ابوهم
بعد مد وجزر ووسايط وافقت ان البنت تزور ابوها وتبات عنده خميس وجمعه وكذلك الأب وافق ان الأولاد والبنات يروحون لأمهم ويباتون عندها بعض الأيام ,, مع مرور الوقت اتضح انه بدأ يسحب نفسه من مصاريف اولاده ويتخلى عنها وترك الحمل على امهم وصاروا الأولاد ماعاد يطلبون ابوهم شي صار اعتمادهم على امهم حتى قال لولده الكبير بصراحه لما طلب منه سيارة قال له اطلب امك تشتري لك سياره ,,هي رفضت تشتري السيارة على حسابها لكن الصراحه انها تغدق في كل احتياجاتهم الأخرى ,, المشكله الآن تقول بعد ماحرمني منهم كل هذي السنين وبعد ما اخذ شقايه وتعبي ولما كبروا وكثرت مصاريفهم سحب ايده من مصاريفهم ,, وفي نفس الوقت تقول ما اقدر اشوف عيالي محتاجين شي وما انفذه لهم ,, هي الآن تبغى النصيحه والمشوره أرجوكم لاتبخلون عليها بالرأي السديد,, وجزاكم الله خير
ملاحظه::الأولاد والبنات صاروا كبار لأن قصة الطلاق صار حوالي 14سنه تقريبا

يلزم عليك تسجيل الدخول أولًا لكتابة تعليق.

تسجيل دخول

حنين الأم • 13 سنة

الله يكون بعونها وينصرها يارب

متى اكون عضوه • 13 سنة

والله ما اعرف بهالامور بس الله ماراح يخيب تعبها والرجال اللي تمتد يده لفلوس حرمة أو يتيم توقعي اي شيء منه
الله يفرج همها

متجر شمس • 13 سنة

تشكيه بالمحكمه

روابينا • 13 سنة

أخذت السنون منها مأخذاً ...ولامكان لحلولنا ...و ماعدها غير انو تكمل المشوار وتبقى تضحي مع اولادها وتسد حاجاتهم وتساعدهم بالمال والمشوره .

لان اولادها الضحيه ...فلايكونوا هم المشكله الآن بعد ان تخلى عن مسؤليتم الأب ...الله يقويها وتكمل مشوارها الصعب والله في عونها

ديالا1 • 13 سنة

دائما الام هي من يتحمل المسؤليه اطال الله عمر امهاتنا على الصالحات الحمد الله ان الله جمع شملها بعيالها الله يخليها لهم
ولله ما اقصر عنهم بشي اللي يقدرني الله عليه بسويه لهم وعوضهم عن سنين الحرمان والسياره تقدر تخليها في اسمها اذا خافت ان ابوهم يسحبها منهم ماشاء الله عليها كبار واكيد يبون متطلبات توفرها لهم احسن من يرحون يبحثون عنها في طريق الغلط