ارجوكم ادخلو وردو

السلام عليكم ورحمة الله وبركاته

كيفكم يارب تكونو كلكم مبسوطين وفرحانين

انا جيت هنا لان نفسيتي محطمه محبطه ع الاخر

انا اتزوجت وانا صغيره عمري 13سنه من شخص اكبر مني وعياله اكبر مني غصب عني اهلي الله يسامحهم

واستمر زواجي تقريبا 7 سنوات جبت ولد وبعدها فاض بي ماقدرت اتحمل لاني ماكنت سعيده من كل النواحي النفسيه ومن جهة معاملته ومعاملة عياله لي

فطلبت الظلاق وبطلوع الروح طلقني

بعدها بديت اهتم بنفسي عشت حياتي ولا كاني مطلقه ربيت ولدي احسن تربيه كملت دراستي على امل تجي الايام ويجيني نصيب فيه خير يعوظني الحرمان اللي عشته

بعد تقريبا 11 سنه جاني نصيب ياليته ماجا لكن الحمدالله على كل حال متزوج 2 وعنده 8عيال وافقت على امل انه بيكون فيه خير ولكني ذقت معاه الامرين تركني وانا عروسه ماكملت شهر وطلقني وانا حامل في الشهر التاسع والحين بنته عمرها 4 شهور ولا سال عنها

امنياتي اتحطمت نفسي اعيش زي باقي البنات في بيت زوجي يكون لي زوج احبه ويحبني يسعدني واسعده

مين فيكم تزوجت مرتين وانجبت من زوجين واتزوجت الثالث وكانت سعيده


رغبه في داخلي ماني قادره اتخلص منها رغم الجروح اللي واجهتها انحرمت من متعة الحياه باسباب اخطاء غيري لكن ربي لك الحمد والشكر


ارجوكم قولي قصص لناس مرو عليكم نفس قصتي احس اني انا غير انا الوحيده في هذا العالم تعرض لهذي المشكله

انا مؤمنه بالله سبحانه بس الحسره اللي في داخلي ماني قادره اتخلص ممنها

ارجوكم ابغى قصص تخقق علي وابغاها واقعيه وليس خياليه

الله يسعدكم جميعا ويبعد عنكم كل مكروه

ابغى ردود ترح

ودعواتكم