ارجوكم ادخلو و خففو عني :( بليز كل حد

السلام عليكم يا بنات
كيفكم اول شيء ..
انا لي متزوجة تقريبا سنة ... بس اريد الطلاق :(
قبل الزواج كنت حيوية و احب الجمعات و عندي صديقات مثل القمر و اهلي مرتاحة معاهم.


و الطبعا موضوع الزواج كنت متقبلته لما تقدملي زوجي و عارفة يباالها تحمل و صبر و الحب راح يجي بعد الزواج ..
بس والله ماني مرتاحة لي سنة والله اني اشكيكم بعد ما شكيت لربي و معتمدة عليه .
ما ابغى هذي الزواجة بصراحة... صحيح انه عنده جوانب زينة و طيبة بس جوانبه السيئة تسيطر على مخي و متعبتني نفسيا ابي ارتاح ... صرت اعاني من نوبات صداع كثيره ما كانت فيني من قبل الزواج ... اذا سافر و بيرجع ما افرح برجعته ابدا ما ابي اشوفه مع انه مشتاقلي و يحبني بس ما قدرت احبه حاولت و الله الشاهد اني حاولت اتأقلم معه و احبه و اتدلل و الخ بس بعد فتره اتعب احس مو عايشة حياه حقيقية كلها تمثيل .
ما تقول سوي كذا او كوني كذا انا احس اني ما اقدر اعيش معه تعبت ... مافي حب مافي شوق له مافي شيء ..


من قبل الزواج و انا اقول اعطيها كم شهر و بتتعودي عليه و بتحبيه و يمر كم شهر و انا على نفس الحالة ...و كل مره اكرر الكلام و اشجع نفسي اقوم و اكون قوية و اصير احبه بس عقلي راح ينفجر كلما فكرت بطريق كلامه و افكاره و رأيه بالحياه ما ودي اعيش حياتي مقيدة بشخص معقد كذا .
كلما افكر في المستقبل و اقول هل راح يتغير شيء في السنة او الخمس سنوات قدام ؟! هل اشوف نفسي معه مستمره او ام عياله و الجواب هو لا ... ما احس اني متشجعة للمستقبل ابدااا .
اذا جيت زعلت منه مره و ما اكلمه احس براحة لا مثيل لها احس بحرية كأني مو مرتبطة بيه ...
بصراحة انا ادعي ربي كثييير اريد الانفصال لانه كذا اظلمه و ما اكسب حتى اجر الزوجة الصالحة لاني ما احس بالانتماء له :( ..
الحب والله مو بالغصب صعب تغصب قلبك يحب احد هو ما يشوفه انه مكمله لكن والله حاولت قلت بتغير بس ما تغيرت انا هي نفسها
ابي الانفصال احس برتاح كذا ...
الي مثلي تخبرني بس رجاء يا بنات لا تقول مالك غير بيتك و البسيله و سويله و الخ لاني خلاص قررت :( و اي شيء بسويه بيكون مؤقت و برجع زي اول .
حبيت افضفض الي بداخلي :( ما ادري ويش اسوي كيف انفصل عنه ما اريده خلاص اتخذت قراري ... النفور جدا قوي ولو كان في أمل كان من زماان تغيرت نفسيتي و حبيته و ما اقدر اعيش بدونه بس كل شيء العكس الحين كأني مغصوبة اتحمله و انا ما ودي بذا الشيء .
تعبت :(
افكر استخير ربي و ادعي 😭😭💔💔💔 مو قادره اعبر عن كمية الألم النفسي الي احس بيه ... احس اني بروحي و بس ربي الي معي :(