ارجوكم ادعولى ....محتاجة بس دعوة بظهر الغيب

السلام عليكم و رحمة الله و بركاته



و الله يا بنات زوجى عنده مشاكل كتيرة فى الشغل و يوم الاحد الجاى ممكن يبقى اخر يوم فى شغله لو خلوا زميل له اصغر منه مدير عليه لان فى جمعية عمومية يوم الاحد كنت عايزة ادخل اقولكم ادعوله ربنا ينصره على زميله دا لانه وحش اوى و متسلق ووصولى و عايز يطيره من الشغل ما تتصوروش مخنوقة اد ايه
و خايفة موت بجد


يا ريت يا بنات تدعولى ربنا يبعد عنا الانسان ده و ينصف زوجى فى عمله و ياخد حقه و يبعد عنه الكايدين و الحاقدين و يعدى الايام الجاية على خير

مش عارفه اعمل ايه لو قدم استقالته ساعتها حنبقى احنا الخاسرنين و هو اللى هو زميله و الشركة كلها هى اللى كسبت بالشغل اللى عمله زوجى و طلع عينه فيه يا رب يعدى يوم الاحد ده على خير و ما يحصلش حاجة وحشة تضرنا
احنا ورانا هم كبير و ديون بتدفع كل شهر و التزامات و مااقدرش اقول لزوجى لو ده حصل ما تقدمش استقالتك لان كده ممكن يجراله حاجة لان اصلا زميله دا اصغر منه فى الخبرة و مش بيشتغل زيه بس تقولوا ايه

احنا بندور على شغل من زمان من ساعة ما جه زميله دا بعد شغل سنتين بجهد و تعب جابهوله علشان كانوا خايفين لايسيب الشركة و حطوه فى نفس الدرجة الوظيفية و اكتر منه فى المرتب كل ده علشان زوجى مش بينافق المدير ولا بيرضى يتجسس علىزمايله و بيشتغل و بس ما لهوش فى اى حاجة تانية و بعدين بدا الولد دا يتودد للمدير لغاية ما بقى يكلم مديره هو نفسه كانه بيتكلم بالنيابة عن المدير

تخيلوا واحد صاحب زوجى لما شاف زميله االى جه ده قاله خلى بالك انا كنت معاه فى شغله اللى قبل كده و خلى مدير المنطقة يستقيل علشان ياخد مكانه تخيلوا فى ناس كده

يا رب انصرنا على اعدائنا و رد كيديهم و انصر زوجى و اديله حقه و ثبته و اهديه


معلش دوشتكم بس بجد ماليش غيركم

انا تعبانة اوىىىىىىى و خايفة جداااااااا

و كل اللى طلباه منكم دعوة بظهر الغيب ربنا يصلح احوانا جميعا يا رب