ارجوكم .. ارجوكم .. ارجوكم .. مالي بعد الله الا انتم اقرو موضوعي

بسم الله الرحمن الرحيم

السلام عليكم

داخله على الله ثم عليكم اللي عندها معلومه او طريقه لمشكلتي تفيدني

انا من سكان الخرج وحامل اللحين الله يتمم علي يارب بعد اسبوع باذن الله ادخل الثامن

زوجي يقول اولدي في مستشفى الملك خالد اللي بالخرج طبعا هو الوحيد اللي حكومي

والاخر عسكري مااقدر ادخله لان زوجي مدرس ..

الولاده بهالمستشفى مااعرف اي احد ولد فيه ابداااا وغير كذا سويت بحث عنه بالنت

والله العظيم والله العظيم محد يمدحه وكثيير يذمونه ويسمونه مجزره !!!

انا اذكر مره وديت ولدي عندهم طوارئ كان يعرج مسكين مددري ش فيها رجوله

تخيلو قال لي الدكتور اللي بالطوارئ مافيه شي سليم .!!

وربي يشهد على كل حرف قلته انه قال مافيه شي دام ماطاح ولا تعور

قلت طيب اشعه قال مقفل الحين !!

ماعلينا ... الله يسامحهم بش ويخلي لناالخاص

لكن المشكله اني مدري وين اولد يابنات

انا بالخرج وقريت كثيير يمدحون مدينه الملك فهد الطبيه ونشبت لزوجي وقلت تولدني فيها

قال لي ماراح يمديك تمسكين الخط

قلت اول مااحس بالم على طول نمشي بس تكفى لاتولدني بالملك خالد

قال وش معنى اخوياي كل زوجاتهم فيه قلت انا وش علي من اخوياك هم يحطون المره وخلاص

لايدرون عن معامله لايدرون عن اهتمام او نظافه

مشكلتي وشهي بالضبط

اني قريت وسمعت وتاكدت من الاستقبال بالمستشفى يوم دقيت اسالهم

البعض يقول لازم تحويل وعلى حسب يقبلون او لا ...

البعض يقول خشي طواري على طول محد يردك هذا امر من الامير

البعض يقول الولاده فيه بخمسه ... واذا كنتي تتابعين عندهم مجاني

انا ابي اعرف بالضبط

من وين اجيب التحويل شلون طريقته وهل من خاص يعني العياده اللي كنت اراجع عندها ..؟

والا شلون ...

وهل تنصحوني اذا جاني الالم انقز للرياض على طول ..؟

كثير يخوفوني يقولون بتولدين بالخط :(

ومقدر اروح لامي لان اهلي بجده وان رحت ابوي ممنوع من السواقه وزوجي مايقدر يجي معي عشان لدوام ..


اعطوني حل تكفون طلبتكم باللي تقدرون عليه


الله يجزآهآ كل خير اللي ترد واللي تفيديني ولايحرمها الاجر ولا رضاء الله ثم رضاء والدينها يارب ..


..

انتظركم