ارجوكم ارجوكم ساعدوني وريحوني ياللي تفهمون بالماسنجر والبالتوك

السلام عليكم
انا يا اخواتي وحبيباتي مالي إلا الله ثم انتم تساعدوني وتفهموني لاني عايشه في دوامه ومحتارة
واللي بتساعدني تكون صريحه معايه ولا تحاول تهديني وبس لاني ابي افههههههم
انا كل دخلتي على النت منتديات نسائيه واليوتيوب ومنتديات تعليميه والذي منه
يعني شغلات على قدي وكويس اني اقدر ادخل على هالمنتديات لاني منشغلة ببيتي وبناتي الله لا يحرمني منهم
ولا حتى عندي ايميل ولا شي وعالم الماسنجر والبالتوك اللي يقولون عليه والله ماافهم فيه ولا شي وما عندي ما عند جدتي
المممهههههم........زوجي ما يطلع من هالبلاوي الله لا يردها
وبصراحه اوقات المح شغلات ماعجبتني ابداً الرومات اللي يدخل عليها مليانه بنات قليلات ادب ومصاخه ويقعد عليها بالساعات ولما اسأ له واناقشه عن اللي اشوفه يقول عادي كل الرومات كذا فيها شباب وبنات وانا وش علي منهم اتسلى وبس والله العظيم انه قاعد بالساعات
ويقعد يسوي فيها فيلم هندي انتي مو واثقه فيني وانتي اصلاً بس قاعدة تسوين مشاكل ولا انتي فاهمة شي ّّّ
يعايرني اني ما افهم شي بهالشغلات الله يزيدني فيها جهل والله هالاشياء ما يجي من وراها الا البلاوي
المهم انا ابي اعرف اذا كان يكلم بنات عن طريق الماسنجر والبالتوك
لاني لما حاولت ادخل على البالتوك طبعا بعد ملطشت الرقم السري بدون علمه حصلت قائمه طويله مكتوب عليها paltalk scene والقائمه هذي كلها اسماء بنات يعني الظاهر هالقائمه تبين من اللي منهم موجودة اون لاين او اوف لاين حسبي الله عليهن لما سألته قال عادي مو انا اللي حاط هالقائمه هي موجوده كذا
ياناس انا متاكدة انا يستهبل علي لانه عارف اني ما افهم شي بهالشغلات
وامس محصلته يسولف مع وحده بس عن طريق الكتابه يعني مو صوتيه عن طريق البايلوكس ماسنجر وانا جايه من وراه وهو ماشافني ولما حس فيني عاااادي جدا ولا على باله
اااااااه ياربي الخيانه خيانه كلاميه ولا صوتيه ولا اي شي يعني انت ترضى تلاقيني قاعده اكتب لرجال عن طريق هالاشياء احترمني ياأخي والله ماني متحمله الا لاني مابي اسوي مشاكل وعلشان بناتي
انا ابي اعرف وش سالفةال paltalk scene
هل هو اللي يضيف الاسماء اللي يبيها ولا اشلون
اللي يفهمون بهالاشياء لا يبخلون علي لاني محتاااااسه ولا حتى قادرة اناااام من التفكير
الله يجزاكم الجنه سامحوني كلامي ملخبط بس من حرتي والله ...........حسبي الله على بنات السوء
والله العظيم زوجي ماكان يهتم بذا الاشياء توه يمكن من 7 او8 شهور صار مدمن ماسنجر وبالتوك
يشهد الله ان طلعته من البيت قليله جدا ولا هو حق سهر او استراحات وسفريات
بس ياخوفي ان هالبالتوك يغنيه عن ذا الاشيا وهو قاعد بالبيت يعني بنات وسوالف وقلة حياء من غير مشاوير وتعب