السلام عليكم ورحمة الله وبركاته
مثل ما هو مبين بالعنوان ..... ابي حبوب منع حمل وماني عارفه كيف اتصرف
الدكتورة بعد ولادتي عطتني بالوصفة اسم حبوب اشربها من الاربعين والمشكلة اني مو حافظة اسم الحبوب ولا عندي خبرة اصلا بحبوب منع الحمل:44: ....وقام زوجي الله يهديه ضيع الورقة ( والله قلبي حاسني انه متعمد :arb: )
المهم ... انا يا اخواتي توني والدة ومافيني قدرة احمل الان من جديد وزوجي الله يهدية ملزم يبي احمل من جديد وانا توني معدية ثلاثة شهور من ولادتي ..... والله العظيم تعب علي احمل الحين :09: ولسسسسسسه بددددددررررريييييي على الحمل توها بنتي رضيعة والحمل والوحم راح يخليني اقصر معها وبرعايتها خصوص ان وحمي للاسف شييييين شيييييييين وغير كذا حمالي كله على مثبتات والله العظيم كل حمل لي ما اكذبكم لاااازم تثبيت ... حبوب وابر وتحاميل مره هرمون الحليب يرتفع ويهدد باجهاض ومرات كان هرمون الحمل عندي يقل ....
فتكفون ابي اسم حبوب منع حمل تناسب اللي مثلي يرتفع عليها هرمون الحليب بالحمل وتاخذ له خوافض مثل بارلوديل ( هالدواء يجيب نفسية خايسة )
او ينخفض عليها هرمون الحمل فتاخذ مثبتات بحملها مثل الدوفاستون والتحاميل الهرمونية
لان سبق قالولي ان صعب اللي تثبت على حملها تاخذ موانع عشان بعدين لاقدر الله ممكن تسبب لها صعوبات بالحمل القادم او تسبب لها عقم الله لا يبلانا واياكم ويشافي كل مبتلى .
انا مخططة استعملها بس كم شهر .... تقريبا 4 شهور متواصلة ..... وتراني موقفة الرضاعة الطبيعية ( غصب عني بنتي ما عاد رضيت تاخذ صدري )
ابي حبوب زينة ماتضرني على المدى البعيد واقدر احمل بعد ما اوقفها عادي بدون علاجات
وطريقتها متى استعملها مع الدورة او بعدها .... متى باي يوم ؟؟
ومن خبرتك فيها .... متى حملتي بعد ما وقفتيها ؟؟؟
وشنو حسيتي عوارض فترة استعمالها ؟
اعرف طولتها وهي قصيرة بس اعذروني ترى غشيمة بهالحبوب ولا في حولي احد خبرة اساله عنها حتى امي ناسية شنو كانت تاخذ حبوب موانع .
تكفووووووووووووووون ردو علي بلللللللللللللييييييييييييييز الله يجزاها الجنة ويغفر ذنوبها اللي ترد علي وتصدقيني القول من خبرتها وتجربتها ......
سولوفانتي @solofanty_1
محررة
يلزم عليك تسجيل الدخول أولًا لكتابة تعليق.
الصفحة الأخيرة