ارجوكم اعطوني رايكم

السلام عليكم ورحمة الله وبركاته

هذا اول موضوع لي فارجو انكم ما تحرموني مشاركتكم ولو بالدعاء لي

عندي مشكلة وصدع راسي من كثر التفكير فيها واتمنى منكم انكم تساعدوني على حلها

ما اطول عليكم

انا تقدم لي عريس سألنا عنه طبعا وشافني وشفته وكل شي كان تمام وابوي جدا معجب فيه مع انه حالته الماديه مو ذاك الزود يعني اقل من جيده ... مع اننا احنا الحمد الله حالتنا الماديه جدا جيدة ومبسوطين... انا وافقت على العريس بناء على اعجاب الوالد فيه + اني استخرت يمكن 10 مرات والحمد الله متاحة جدا من ناحيته
طبعا الى هنا انتم تقولون وين المشكلة؟؟؟

انا قبل لا اوافق قلت لأمي على موضوع ماحد ابدا يعرف عنه الا انا وامي حتى ابوي ماعنده خبر بالموضوع
وهو انه عندي مرض او مشكله صحية او مادري بالضبط ايش ممكن اسميها
وهي .... الصراحة انا محرجة جدا من اني اقولها لكن مالي الا انتم بعد الله وما اقدر اشاور احد غيركم لحساسية الموضوع
المهم المشكلة هي انه عندي تبول ليلي لا أرادي:44::44:
طبعا راجعت اطباء كثير واخر شي صرت اخذ بخاخ عن طريق الانف واسمه منرين والحمد الله اذا اخذته قبل النوم الحمد الله اصحى بدون ما يكون فيه اي شي لكن المشكلة انه اذا تركته ممكن يصير

طبعا قبل ما اوافق على العريس امي قالت لابوي على الموضوع طبعا ابوي معجب فيه ومايبغى يفرط فيه وقال ان شالله انها راح تطيب وماله داعي نقول للرجال عن الموضوع يعني لانه فيه احراج وغير انه ابوي يخاف انه يهون ويروح يقول لامه او اي احد عن السالفة وانتم عارفين حساسيتها

طبعا خلاص صارت الموافقة واعلنا الخطبة
وانا الحين مادري وش اسوي هل اصر على ابوي انه يقوله
واذا ما وافق انه يقوله عشان الاحراج هل ابطل عن الزواج واستنى يمكن ان شالله انه ربي يعافيني او انا راضية انه اقعد بدون زواج
علما اني يعني ماني صغيرة عمري الحين 25 وبالنسبة لعائلتنا انا الوحيدة اللي وصلت لها العمر وما تزوجت للحين يعني كل البنات اللي بعمري متزوجات وعندهم اطفال اللي واحد واللي اثنين وانا هالشي طبعا يأثر في نفسيتي كثير مو حسدا فيهم لا بالعكس الله يوفقهم ويهنيم لكنه شي صعب علي فعلا