ارجوكم اعينونى اراح الله بالكم من الهم

السلام عليكم اخواتى فى الله

انا مش عارفة ابدأ منين المشكلة الله المستعان

انا متزوجة حديثة الزواج من عشر شهور تقريبا انا من مصر ولكن زوجى يعمل بالكويت

تزوجته عن حب وفضلته على كل من فضلهم ابى وامى وصممت عليه ومكدبش عليكم هو كمان عمل حاجات كتير عشانى بس ده كان فى الخطوبة لكن بعد الزواج هو هو نفس الانسان الطيب كريم الى ابعد حد معايا بيخاف عليا من نسمة الهواء وهى دى كانت اول مشاكلنا عايزنى اكون احتكار باسمه له فقط لغير ماتفهمونيش غلط ارجوكم طبعا ده شئ يسعد اى زوجة لكن الموضوع عند زوجى زاد عن الحد طبعا هو نزل اجازة اتجوزنا شهر وسافر للبلد العربى تانى بس اصبحت غيرته نار لا عايزنى اروح عن حد ولا اكلم حد اصحابى و اهلى واخواتى حتى اهله لو روحت عندهم يعملها خناقة ومشكلة
وانا قلت لنفسى المهم زوجى مش مهم اى حد تانى وفعلا قطعت كل صلاتى عن اصحابى واهلى وبقيت غريبة عنهم اقابلهم فى المناسبات ومش كل المناسبات مناسبات لازم بعد محايلة مرارا وتكرار وفى شروط لها طبعا قلت المهم زوجى وجعلته محور حياتى ونزل زوجى اجازة من سفره حوالى عشرة ايام وسافر تانى بس المرة دى اختلف تماما اصبح يرى انه انا اللى مقيدة علية حياته وانى بعمل مشاكل معاه لانى عندى وقت فراغ وفاضية ده من وجهة نظره طيب ماهو انت اللى عملت فيا كده لما عزلتنى عن كل الناس ودلوقت بيلوم عليا اهتمامى بيه ماهو انا فعلا مابقاش عندى شئ يشغلنى الا هو
هو كريم وطيب وسخى لكن انتقادته كتيييييرة ليابيتعمد ينقد ابسط شئ فيا ولما بيحس منى انى زعلت من نقده يثور عليا كأنى ارتكبت الخطايا السبع
كلامه حاد وجاف بحاول كتير افهمه انه حتى لما يحب ينبهنى لشئ يكون بهدوء وبطريقة لطيفة لا تجرح
لكن هو مش مقتنع لانه شايف نفسه على طول صح
كلامه مجرح جدا وغصب عنى بزعل بس هو عايزنى دايما اتقبل الاهانة سواء بسبب او بدون سبب بأبتسامة عريضة وده فوق طاقتى ولو بينت مجرد بينت انى متضايقة بدون حتى ماأنطق اكون زوجة سيئة وغير جديرة بيه
كمان كل ما نتشاجر يهددنى بانه لن يستمر فى زواجنا وانى مش هعرف عنه حاجة تانى
مش عارفة اعمل اية ؟ ارجوكم دلونى , انصحونى اشيروا عليا؟؟؟؟؟؟؟؟؟

وجزاكم الله كل الخير
اختكم فى الله
شيماء