اللبني دي الشبابيك
و الاحمر الابواب
و الاصفر الجهة اللي هيفتح فيها الباب
و هيا 3 اوض عاوزة اوضة للنوم و اوضة ليفينج و اوضة للولاد علما بان معايا ولدين يعني هيقعدو مع بعض في اوضة واحدة و بكدة التلات اوض خلصو
و الريسيبشن عاوزة احط فيه السفرة و الانتريه
بس مش عارفة افرش الموبيليا فين بالظبط ارجوكم تساعدوني
و انا هحط لكم مقاسات العفش بتاعي :
السفرة :
عرض السفرة بكراسيها 120 سم
طولها 220 سم
البوفيه طوله 220 سم و عرضه 50 سم
النيش طوله 160 و عرضه 50 سم
الانتريه:
كنبة كبيرة طولها 180 سم و عمقها 70 سم
كنبة صغيرة طولها 140سم و عمقها 70 سم
كرسيين كل واحد طوله 80 سم و عمقه 70 سم
ترابيزة طولها متر و عرضها 60 سم
2 طقطوقة مدورة صغيرة
كونسول طوله متر و عمقه 40 سم
النوم الرئيسية :
السرير طوله 220 سم و عرضه 170 سم
الدولاب طوله 3 متر و عرضه 70 سم
2 كومودينو طول كل واحد 60 سم و عرضه 50 سم
السراحة طولها 170 سم و عرضها 60 سم
شوفنيرة طولها متر و عرضها 70 سم
شماعة للملابس
اما الليفنج و اوضة الولاد انا هجددهم يعني معنديش ليهم لسة مقاسات بس انا عاوزة احط في اوضة الولاد الكمبيوتر و لو امكن تليفزيون و الليفينج هحط ال سي دي 50 بوصة ممكن تتعلق و ممكن تكون على ترابيزة مش هتفرق و لو امكن في اوضة النوم احط ال سي دي 32 بوصة تتعلق
و يا ريت لو حد عنده فكرة حلوة للديكورات يقولهالي مثلا انا بفكر احط مرايات في الطرقة و المساحات الفاضية اللي على الحيطة علشان تدي احساس بالوسع غير اني بفكر احط شجر صناعي في المساحات اللي بين العفش او اجيب تماثيل او كدة ايه رايكم ؟
و اشكركم على تعبكم معايا و دعواتكم ليا بالتوفيق و تكون نقلة خير ان شاء الله