مرحبا اختي طفشانه
احمدي ربك ومن شاف مصيبة غيره هانت عليه مصيبته وينك من بعض المتزوجات اللي زوجها 24 ساعه مسافر او سهران مع شلل او يرجعلها وهو والعياذ بالله سكران او كان مع بنات الحمد لله زوجك في شغل وثقي ان هالشغل كله عشانك انتي وعيالك وعشان يوفر لك حياة كريمة وماتحتاجون لاحد وانتي لازم تساعدينه وتوقفين جنبه لانه اكيد الرجال يجي من العمل وهو تعبان يحتاج كلمة حنان من زوجته تنسيه هموم الشغل ومتاعبه وحتى لو ماطلبها منك بادريه انتي وكثرة النقاش والقال والقيل تطفش ارجال حاولي انك ماتناقشينه ابدا وخليه يجي يتفاجاء بمعاملتك له وعلى ماقالت اختي ماويه انتي بنفسك اصنعي اللحظات الرومانسية باعديد من الافكار وهو مع الوقت ان شاء الله راح يحس فيك ويقدر لك صبرك ويحس انه مقصر في حقك وحق العيال
وبضربلك مثال سريع انا اول ماتزوجت زوجي بعد شهرين من الزواج بدا يسهر مع اصدقائه وانا ماخفيك سرا كنت اتضايق مره ويجي وانا قمة في غضبي واتهاوش انا وياه ومن بكره يخرج ولا كني قلت شيء وشكيت لاختي اللي اكبر مني الله يجزاه عني كل خير وقالتلي بدل ماتقعدين تفكرين وشلون بتهوشينه وتخانقينه فكري اشلون تغير بنفسك يجي وانتي لابسه لبس تفاجئناه ومغيره بحركات رومانسية تنسيه الخرجه من البيت وتبعد الملل عنكم ....وقالتلي لا تناقشينه ابد لان النقاش يخليه يعاند واستغلي وقت خروجه بشي يعود عليكم بالنفع وفعلا كانت وصفتها سحريه والله اسبوع ولا حظ اني ماصرت اناقشه صار اهو من نفسه مايخرج وان كان بيخرج مره بالاسبوع وبعد يشوف انا راضيه والا ماخرج
وشيلي من راسك فكرة انك تروحين لاهلك لان الامر والله مايستاهل
الله يعنك ويوفق لما يحب ويرضى
تحياتي:26: :26:

أنا رأيي مثل باقي الأخوات و هو انك ما تتركي بيتك و المفروض تتحلي بالصبر و تقدري ان زوجك بيشتغل و يتعب من أجلك و من أجل أولاده و الله يسعدك:26: :26:

انا من رائي انك تاخذين اطفالك وتتركين البيت ومافيه
خلي اهلك ينفعونك والله ماحد يدري عنك ماصدقو انك تتزوجين على شان تنسترين
لاوترجعين لهم ومعك اربعه ياحبيبي مااحلك وانتي داخله على اهلك ومعك اطفالك
وش تقوليين لهم مافيه سبب مقنع تقولينه لهم راح يكرف ويتعب على شاننا هذا ماهو سبب تركك للبيت
والله والله ماحد يتحملك انتي واطفالك لا اهل ولااخوان وزوجاتهم ولا احد غير بيتك ورجالك
اجلسي مع رجالك وقولي له كم كلمه حلوه واكيد منتي مقصره معاه في الكلام وقولي خل يوم لنا إيجازه
على شان نغير جو نطلع الاطفال يلعبون وفيه نقطه مهمه خلي اطفالك هم يزنون على ابوهم
وانتي ساكته صدقيني راح يأثرون على ابوهم بس ماهو اول مايدخل من الباب تنسد نفس الرجال
اذا شفتموه رايق كلموه
والله اننا في نعمه ونحسد عليها وهذ من الفراغ الي عايشينه نجلس ندقق على كل شي
( حبيبتي طفشانه )
ارمي الطفش وراء ظهرك والتفتي لعيالك علميهم وحفضيهم قرآن حتى لو هم صغار تسلي معهم
حتى يرجع زوجك
صدقينى كل واحده تتمنى ان زوجها على كيفها بس وش نسوي في هذي الحياه لازم نتعلم الصبر والتضحيه
وفيه حريم اكثر منك يعانون مع رجالهم
ولاتهتمين لهرج الحريم الي تقول سافرة والي راحو المطعم الفلاني والي والي...............
يمكن الواحده تروح وترجع وهي متهاوشه مع زوجها واذا جتك قالت قال لي ابو فلان قال لي ابو فلان
لاتصدقين كل ماينقال البيوت اسرار
معليش على الثرثره بس انقهر لما الواحده تقول بترك البيت
واخيرا سامحيني اذا اخطيت
وادعي الله ان يوفقه ويرزقه الكسب الحلال وان يصلح مابينكم ويسعدكم في الدنيا والاخره
:26: :24: