ارجوكم اقروا موضوعي ارجوكم حياتي بنتتهي بسبب صحن

زوجه اخو زوجي كبيره بالعمر..
انا كبر بناتها..
لكنها متعلمه وموظفه واجتماعيه..
ام زوجي تموت فيها،. وزوجي يقدرها..
هي دايما تغايرني وتجاكرني
لكن الكل يشوفها مره سنعه ماتطلع منها العيبه
وسبق وكتبت عنها موضوع هنا..


من يومين زوجي عزم اخوه عالعشاء..
وهي ارسلت مع زوجها صحن سلطه جرحير..
المهم انا طبخت لهم وحضرت لهم السفره..
وقلت لزوجي خلي الصحن عيب ارجعه فاضي..

اليوم كتبت لزوجي بالواتس اب
اني عجنت دونات ابي اعبي صحنهم
وقلت له حبيبي اذا سمحت نزله لهم عالمغرب
لان بيتهم قريب من عندنا..
قال لي طيب بس ليه دونات؟
قلت احلى شي.. دوناتي لذيذ
قال كان سويتي لها سلطه!!
قلت مايصير ارد لها نفس الصنف
قال بس انتي ماعندك الا الحلا
فشلتينا بس ترسلين لهم حلا
!!!!!

بنات صدمني كلامه..
انتم تعرفون الدونات متععععب مو مثل السلطه
وانا فعلا سبق وارسلت لهم كيك وبسبوسه
وام علي وكب كيك ومره فطرتهم برمضان موالح
وانا لحالي ماعندي شغاله مثلها
وبنفس الوقت هم يحبون حلوياتي ويمدحونها

قلت له حبيبي اهم شي التقدير
والله لو ارسل لهم صحن تمر كثر خيري
وانت تكفى لاتقارني فيها كل وحده لها شخصيتها
واذا الدونات مو عاجبك الحين برمي العجينه

قام عصب وثار علي لعن وسب وشتم
واخر شي توعدني اذا رجع من دوامه

رجع وهو معصب نااااار ويصرخ علي
وانا احاول اهديه واطلب يأجل الكلام
وترني صراخه وقهرني اكثر
قال تدرين ليه ما ابيك ترسلين حلا
عشان ماتقول فلانه ماتعرف تطبخ

قلت له انا اذا طبخت احتسب الاجر
ما ادور السمعه ولا مدح الناس
بعدين رضاء الناس غايه لاتدرك
واذا هي بتقول عني كذا الله يسامحها

عصب اكثر وقال ترادديني بعد
انتي ماتستحين انتي اسلوبك رجولي

بكيت وقلت له خلاص حقك علي
اسفه انا الغلطانه انا الملقوفه

وهو استمر يصرخ علي
لحد ما انفجرت بوجهه وقلت ماني ملزومه فيهم
وصحنهم موجود بالمطبخ اذا تبي ترجعه
صرخ علي بقوه وسبني بعدها
وقال والله لا اوريك يا حيوانه
والله لا ادمرك والله لاخليك تبوسين رجلي
وكلام مهين جدا جدا

وانا قلت اعلى مافي خيلك اركبه
ماهميتني
دفني بقوه وراح وتركني وانا اصيح


بنات هو سبق واذاني كثييير
وانا سامحته.. عشان كذا يقول بخليك تبوسين رجولي

انا تعبانه ومختنقه