ارجوكم انافي هم مايعلمه الا الله ولكم الدعاء الصادق من القلب

حبيت اطرح عليكم قصتي الحزينه والله يجبرني في مصيبتي ويخلفلي خيرا منها انا ولادتي ببكري الله يشفيه ادعوله يالغاليات ولدت بطلق صناعي بعد مااخذت من الشهر العاشر عشرة ايام قررو يولدوني بطلق صناعي المهم رحت لهم انا وزوجي الصباح الساعه 8 وماولد ت الا من بكره الساعه 11صباحا المهم ولادتي متعسره لان ولدي لصق بالحوض وانا تعبت صرت ماعاد اقدر ادفع يمكن من الكمام المخدر اللي انا طالبته بالحاح كبير المهم تعسرت ولاتي واسحبو ولدي حبيبي بالجفت:06: واصبح عنده نقص اكسجن ونوموه 20يوم ولاكن طلعلي كنه ميت وحسيت انه طفل غير طبيعي ودرست حالته انا وابوه وعرفنا ان نقص الاكسجين يؤدي الا ضمور في المخ ويحتاج الطفل الا تاهيل ووووووو المهم عمر ولدي الان 3سنوات ولاكن شبه معاق ياحياتي ياولدي مافرحت فيه المهم بنات الزبده انا ولدت ولدي في مستشفي حكومي عادي في مدينه عاديه مثل شقراء اذا كنتم تعرفونها وولدتني مصريه عاديه وتوقعت اني اولد طبيعي ولاكن تعسر الولاده هبلها والله انها تخيطني وتبكي من هول الصدمه وعدم الاستعجال بالعمليه القيصريه انهبلت ماتدري وش تسوي هي والطاقم اللي معها والله انها جتني بعد ماطلعت من النفاس ورحت لبيتي جتني في البيت تتاسف وتقول غصب عني وكثرة الاهتمام فيني هي اللي سوت كذا والله يابنات كانو متعاونين معي بحكم ان زوجي يشتغل في هذه المستشفى ويعرف الدكاتره والممرضات والدكتورات وكانو معي اثناء الطلق اللي تمسح على راسي والي تهديني مره حبوبات لاكن يوم تعسرت الولاده وتعب ولدي انهارو وجلسو يبكون ونص المستشفى عرفت عن حالت ولدي حتى زوجي انهار وجلس في البيت ثلاث ايام يبكي ولا قال لاحد بس لي بما انه قريب مره مني المهم بنات في هذي المستشفى دكتور واستشاري نساء وولاده شااااااااااااطر جدا وذكي وكان ماهو مداوم ذاك الليوم اللي انا ولدت فيه عرف عن حالت ولدي وحزن كثير ومسك زوجي في مكتبه الخاص وقاله زوجي عن القصه من الا قال لزوجي الله يسامحهم المفروض على طول قيصريه ولاكن قدر الله وماشاء فعل واللحين انا ياغاليات على وشك ولاده وبالد في نفس المستشفى ولاكن بعد الله راح يولدني هذا الاستشاري ويقولي لاتخافين الله معك وانا وقالي لا تشيلي هم باذن الله راح تولدي طبيعي من دون اي مشاكل وراح اعطيك وقت اثناء الطلق واذا تعبتي انتي او الجنين على طول راح اسويلك قيصريه وانا متكله على الله ثم عليه وش تنصحوني يابنات اولد عنده ولا اروح مستشفى ثاني خايف موت موت موت ماانام الليل حتى الاكل مااكل زين من الهم وكل ماشفت زوجي يتكلم عن الولاده ان ربي راح يهونها على طول تدمع عيوني واصيح ابغى افرح زوجي بنونو صغير متعافي وسليم وعشان يكون عون لاخوه تكفون بنات شاور على وحطو نفسكم بمكاني وعطوني الصواب لعلي ارتاح والله ثم والله ماراح انساكم من الدعاء في جميع صلواتي