ارجوكم انا حامل وابي علاج لجفاف البشره الشديد

السلام عليكم بنات


كيفكم ..لكم قصتي
انا قبل كنت دايما كاشخه واهتم بنفسي وريحتي حلوه واخذ لي اغلى العطور والبخور .. من ادخل مكان كثير يسألون من وين جات الريحه الحلوه
انا قبل ٣ سنوات
والله ماادري وش جاني فجأه
عندي احساس انه مرض او عين او سحر
فجأه وبدون مقدمات
ارتفعت علي الحراره ٣ ايام
وجلست ارجع ومن بعدها
وخلال ارتفاع حرارتي جاني تعرق شديييد شديد
في حياتي ماعرقت كذا
ولما شفيت من الحراره طلعت بقع على جلدي
في البدايه تطلع مثل حجم العمله النقديه
وبعدين تكبررر تكبررر تكبر وبالوسط يطلع منها وسخ
وبعدين تفقع ويخرج الوسخ ويبقى اثرها مفتوح
يعني جلد متآكل
مدري اذا فهمتو قصدي
المهم اسمرت معي هالحاله خلال اسبوعين او اكثر اشوي
وبالتالي اختفت ومن بعدها الى يومكم ذا اعالج في جسمي وشعري
وجلدي صار هش مو طبيعي طبقات الجلد مافيها قوة
والغدد الدهنيه مااحسها تفرز بشكل طبيعي
جلدي جااااف جاااف بشكل ماتتخيلونه
صرت اتحسس من اشياء كثيره ماكنت اتحسس منها قبل
صابون ولوشن ووو..
واظافري الي كانت قويه وجميله ولامعه
صارت صفرا وشفافه وتتكسر على اقل شي
وشعري فروة راسي صارت تفرز ريحه جدااا جدا كريهه ونتنه بشكل ماتتخيلونه ..
انا مادري وش دار علي وش الي صار فيني مدري فجأه كذا
لدرجة ماقدر اقعد جنب احد
بسبب ريحة شعري وهم تطلع لي ريحة عرق
لو وش استخدم لها من مزيلات عرق وغيرها
مافادتني بشي .. والله كنت شي وصرت شي
فقدت ثقتي بنفسي عالاخر
قاطعت الكل ..
من ثلاث سنين وانا اعالج هالمشاكل
الى هذا اليوم
ولكن الحمد لله في تحسن كبير يعني زي اختفاء ريحة العرق
شعري اختفت الريحه الي كانت تطلع له
اما الى الان اعاني من جفاف شديد بالشعر والجسم
وتكسر الاظافر
والمشكله انا الحين متزوجه
وحامل
والجفاف صار اسوأ واسوأ
ماقدر استخدم منتجات لترطيب البشره
والشعر ولكن مادري شنو اسوي
بس حبيت اعرف من الي تعرف
شنو تفسر الحاله الي مريت فيها
سواء كانت مرض جسدي او مرض روحي زي عين مثلا
ولا هرمونات .
ارجوكم الي عندها لي علاج
لاتبخل علي .. واكون شاكره لها من كل قلبي
وانا حامل بالشهر الثامن ابي اعرف وش يناسبني
وشكرالكم