hala 2

hala 2 @hala_2_1

عضوة جديدة

ارجوكم انا محتاجة مساعدتكم

الأسرة والمجتمع

السلام عليكم ورحمة الله وبركاتة
انا بصراحة ما ني عارفة كيف ابدا انا دورت كثير على ايميل اخصائية اجتماعية مالقيت فاقلت اكتب مشكلتي في المنتدى و***** **** تفيدوني بمشورتكم :icon33:
انا حامل في الشهر الثامن باقيلي ***** الله اسبوع وادخل في الشهر التاسع
المهم انا اراجع عند المستوصف الي قريب من بيتي اهلي اول ماعرفوا اني اراجع في المستوصف طبعا سووا مشاكل وصرت اروح عندهم كل اسبوع يقعدوا يصرخوا عليا لية انا راضية بوضعي اجي اكلم زوجي بصراحة يقنعني يقول مو زي المستشفى كل اللي راح يسولك ياه في المستشفى سويتية انا اسكت المهم دحين قرب موعد الولادة وامي تبغى تطمن عليا اصلا امي عندها تأمين انا لا . رحت معاها علشان تطمن عليا عند الدكتوره اللي في مستشفى كبيره ودفعتلي كشفية وفتحتلي ملف المهم دخلت عندها قالتلي نفس كلام الدكتورة اللي في المستوصف امي تقول اولدي عندها والولادة عندها ب4الآف وزجي يبغاني اولد في مستشفى حكومي وامي مسوية مشاكل مرة كبيرة على هذا الموضوع انا موعارفة ايش اسوي والله مرررررة تعبانة الله يخليكم انصحوني ارضي اهلي واسوي مشاكل مع زوجي وإلاارضي زوجي واطنش كلام اهلي وانا كل ما افاتح زوجي فين راح اولد يقول خليها على ربنا لاتشيلي هم معقولة انا راح ارميكي في اي مستشفى ويزعل مرة كثير كل ما افتح الموضوع معاةانا اطمن من كلاموا لكن اهلي يبغوا يعرفوا انا فين راح اولد ..
والله امي واهلي كل يوم يزيدوا الموضوع تعقيد وزجي مرة زعلان انو في احد يدخل في حياتنا ولمن قلت الاامي انا ما جيت اشتكي عليك من حياتي الحمد لله انا مبسوطه قامت وسوت مشكلة كيف انتي تقوليلي مالك صلاح وانتي بنتي والله انا راح ادخل غصبا عنك في را يكم انا ايش اسوي كل يوم امي تدق على زوجي تبغى تتخاصم معاة وانا اقول لزوجي لاترد عليها عشان انا بصراحة ما ابغى مشاكل :44:
ابغى اعرف للي قاعده اسوية غلط والالا بس الله يهديها امي مكبرة الموضوع مرة اتصلت على عماتي تقولهم ان زوجي بخيل عليا وما يبغى يولدني في مستشفى كويسة وعاد شوفوا الكلام اللي راح ينقال اخواتي الكبار دقوا عليا وابويا كلمني يقولوا اذا زوجك مايقدر يدفع تكاليف الولاده احنا ندفعها واي رجال لمن يسمع هذا الكلام كرامتوا ماتسمحلوا طبعا عشان كذا زوجي رافض فكرة اني اروح معاهم :(:(:(
وشكرا مرة ثانية و***** **** يتفيدوني ...... شكرا لانكم اعطيتوني من وقتكم وانا اسفة على الاطالة:(
14
1K

يلزم عليك تسجيل الدخول أولًا لكتابة تعليق.

تسجيل دخول

نظرهـ ذباحهـ
نظرهـ ذباحهـ
والله الموضوع شوي صعب بس ماعليكي ربي يسيرها لك إن شاء الله
ادعي واستغفري وبتتيسر
ولاتضغطي على زوجك مو مهم تولدي بخاص قد ان ربي ييسير ولادتك
وانا بصراحه من مؤيدين الحكومي وبقووووه لأنهم عندهم خبره
وكفايه ان اذا الحاله تعسرة بالمستشفى الخاص يرسلونها ع الحكومي
الوردة الجارحة
أسمحي لي أنتي غلطانة,
لأنك تقولين لهم تفاصيل حياتك مع زوجك...
المفروض:ــ
ادا سألوكي حتى لو هي أمك ادا سألتك عن شي يخص زوجك ويخصك فقط
المفروض تقولين زوجي قال هو يتصرف ولا قال لي لا وين ولا كييييف !!!
خليهم يحسون أن زوجك رجال وله قراراته الخاصة...
أما انك تناقشين خصوصياتك مع الوالدة الله يحفظها لك
فهي بحسن نية تبغى لك الأفضل
والأغلى
وتخرب عليك دون أن تقصد و أنتي اللي راح تندمين بالآخر...
من الآن قولي قال لي زوجي أتركي الموضوع علي !!!!
ولا يصير لك الا الطيب وطمني أمك...يعني أعطوها الكلام الحلو,,
وتصرفوا حسب ظروفكم الخاصة بكم.....
والله يفرحك ويقومك بالسلامة ويرزق الباقين بالدرية الصالحة ..
بنت العيون الحلوه
انا مع راي الورده الجارحه
عائشة المشرقة
اختي الله يقومك بالسلامة و يصلح الحال بينكم و يسخر لك زوجك و يخلي لك امك
بالونه بالهواء
اهم شي كلام زوجك 00
واهلك لايخربون حياتك هم من زود الحرص عليك وخوفهم 000
واذا فالو لك سيرة قولي الله يفرجها من عنده والمستشفيات الخاصة همه الفلوس بس 00000
اولدي بالحكومي والفرج من رب العالمين 00