حسب مافهمت من كلامك ان الي بينك وبينه علاقه خاصه لكن غير شرعيه
يعني لا ملكه ولا حتى خطبه

إذن هو يتهرب منك لانه بدا يشعر انك تريدينه كازوج وهو اصلا ً يريد مجرد التسليه وتضييع الوقت في الغراميات وعرف يمثل الدور صح لدرجه ان وحده مثلك ذكيه صدقته وتوقعت انه فعلا ً يتعب ويشقى علشان يخطبها :11:

اتركيه فتره وبعدها لوووووو اتصل قولي له ان فيه واحد خطبك وشوفي ردة فعله واتذكري كلامنا هذا

ولو ماتصل برضو تذكري كلامنا هذا وابتعدي عنه تلاقينه الحين يقول لاصحابه فيه بنت ناشبه لي ياربيه ميته فيني ونا اصرفها عاد يحبووون يسوون انفسهم مهمين قدام بعض ون البنات يموتون فيهم :D

اعذري لي صراحتي الشديده معاك بس والله خوفا عليك لاني حسيت من كلامك انك بنت طيبه وتخافين ربك ولا تسعين للعلاقه لمجرد العلاقه تفكيرك كله بالحلال الي هو الزواج

الي اقدر اقوله ربي يرزقك الزوج الصالح المحب ويحفظك من كل مكروه آمين :26:

..

.

انا اؤيد كلام اختي المتغلية

اغلقي تلفونج لمده خمسة ايام او اسبوع وشوفي رده فعله .. ان شفتيه مهتم قوليله تعال اخطيني والا ابتعد عني

السلام عليكم

اخواتي مشكورات ع الرد والله ردودكم افرحتني لنها ترجح مصلحتي والله جد احس اني تعلقت فيكم..

انا خلاص سويت كلام الاخت متغليه قبل لا اقرا ردها هو اتصل امس يعتذر ويقول انه كان منشغل وقلت له تباني بتحصلني بيت اهلي واذا حد خطبني وشفته الرجال المناسب بتزوج وحط فبالك اني مش خفيفه وارمي نفسي علييك بس اللى اسويه هو اخلاص لمحبتي الصادقه والله يا اخواتي انحرج من كلامي..

صدقوني انا انسانه ما كنت افكر فالزواج لاني اعرف انه كل شي نصيب من رب العالمين لكن لما حبيته حبيت انه يكون زوجي.. والحين بخلي كل شي للقدر وبشغل نفسي..

واذا عن سمعتي انا وااااااثقه مستحيل يتكلم عليه لنه معرفتي فيه كانت صحيحه مش مثل اي معرفه وبعيده عن الحرام.. لكن بعد حتى لو يحبني ببتعد اذا يباني يعرف بيتي..

مشكورات ع ردودكم اللي كان لهل اثر ايجابي في نفسيتي وربي يوفقكم جميعا والاخت متغليه القلوب عند بعضها:)

السلام عليكم ورحمة الله وبركاته،،،
حبيبتي..
هي من الأول العلاقة غلط في غلط...
إذا كان فعلاً يحبك، حياه الله في بيتكم..
يخطب بشكل رسمي..تكون العلاقة في النور..مش في الظلام..والله يكتب الخير وما فيه..