ارجوكم بدون تجريح! الحب الاول يطاردني .. أنقذوني

السلام عليكم

يا بنات من تزوجت مخلصه لزوجي باحساسي وشعوري وبحفظه بماله وعرضه وملتزمه بالصلاة واحاول قدر المستطاع ما اغضب رب العالمين واكون ملتزمه
قبل الزواج كنت توني صغير 16 سنه حبيت شاب وهو حبني حب جنوني وكنت بتكلم معاه بالتلفون 4 سنوات وحا يخطبني واهلي رفضو بسبب الفرق بين مستواه ومستوى اهلي. وتركته وجرح كبير بقلبي واستمريت بدراستي وبعدها جا زوجي وطلبني وتم الزواج ومن تركته قبل لا اعرف زوجي ما كلمته ولا شفته ولا دريت عنه شي وبعد الزواج نسيته تماما وحطيت كل تركيزي على زوجي لكن الله شاء وما رزقني عيال سنين
والحمدلله الحين الله رزقني الحمل وش كثر فرحانه وادعي ليل نهار ربي يتمم لي عخير
المشكله من يوم حملت للحين كل يوم يظهر الشاب اللي عرفته قبل الزواج باحلامي واصحى على ذكراه.. مع اني ما افكر فيه ابد خلال النهار ولا باي وقت
اتعوذ من الشيطان واقرأ قران قبل ما انام يوميا وما في فائده ذات الاحلام تتكرر لدرجة صت احس بحنين كبير له.. ودورته في الفيس وصرت افكر اراسله اسأله وش اخباره.. وكل يوم تراودني ذات الفكره واطردها من راسي واتعوذ من الشيطان واحاول اتذكر كل مساوءه والجرح اللي في قلبي واجلس اعدد حسنات زوجي وش كثر صبر علي وأقنع نفسي ما افكر فيه نهائيا وثاني يوم اصحى على نفس الاحلام
والله ضاق صدري وصرت اخاف حتى انام
ارجاكم انصحوني وش اعمل وليش يصير معي كذا