ارجوكم بنات بشرتي حساسة ومختلطة وتعباااااانة ساعدوني الله يخليكم تراني تعبت :(

السلام عليكم ورحمة الله وبركاتة
أخواتي العزيزات في عالم حواء
ارجوكم ساعدوني في موضوعي وربي يجزاكم عني كل خير ان شاء الله
مشكلتي يا خواتي بشرتي مختلطة وحساسة وتعبانة كثير تطلع فيها حبوب وفيها آثار حبوب ولونها أغمق من جسمي وما هو محدد مدري صفرا والا سمرا وشاحبة ما فيها نضارة
غير الهالات حوالين عيوني والخطوط الدقيقة
تعبت والله وراجعت اكثر من دكتور وكلهم يدوروني معاهم في حلقة مفرغة من الادوية شهور وشهور وكانهم ما يبوني انتهي من العلاج معاهم طوال ما اراجع عندهم بشرتي اوكي ومجرد ما اقطع ولا كاني راجعت وتعبت وعالجت
تعبت وطفشت منهم وقررت اعتني ببشرتي بنفسي لكن المشكلة اني ما اعرف اي منتجات تناسبني
جربت كم منتج ما ناسبوني وخلوا بشرتي تدهن بزيادة وكثروا فيها الحبوب
لهالسبب ابي شي من تجاربكم ارجوكم يا بنات ساعدوني من بشرتها مثل بشرتي تذكر لي منتجات العناية اللي تستخدمهم
للوجه والعيون وواقي الشمس واي شي تستخدمونه ونفع معاكم لا تهملون مشكلتي رجاء يمكن البعض يشوفها سطحية بس متعبتني ومخليتني احيان ما احب اطلع حتى من البيت او احد يشوفني صرت اتجنب الناس :(
ساعدوني يا بنات وجزاكم ربي كل خير :(