آآآآآآآآآآآآآآآآآآآآآآآآآآآآآآآآآه
والله دموعي على خدي
قلبي حبيبي روحي وعمري ابوي اللي ماني من صلبه
>جدي<
اللي رباني
اللي نصحني
اللي خاف علي
اللي رحمني
اللي دلعني
اللي رفع الظلم عني
اللي دافع عني
اللي حشمني واكرمني
آآآآآآه اشتقت له ولسؤاله عني
اشتقت لصوته
واكثررررررررررررررر شييييييييييي اشتقت اسمعه منه
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
لما يقول وصوته منخفض وكله حنية ورحمة حنية و رحمة ومميل راسه لي في انخفاض
آمي وشلونك يآمي
آآآآآه صوته يرن في اذني الان اسمعه وهو يقولها تتكرر في عقلي
لما يناديني بأمي
آآآآه يا ابوي
والله الان قاعدة ابكي
صدق من قال ما تعرف قيمة الشخص الا لين تفقدة
ترك من بعد موته فراااااااااااااااااغ كبير في صدري في جوفي
ولا يمكن انساه ابدا لو دخلوني لقبري
وقالوا ما تعرف قدري لين تجرب غيري
بالاخص لما تزوجت زوجي الظالم بعد كل مشكلة بيننا وبعد ما يظلمني
افرش سجادتي واصلي ركعتين وادعيله من قلبي
ادعي له على كل معروف سواه لي في حياتي
هو الوحيد اللي كان سندي وعزوتي في الحياة
كنت عايشة بين حبه وحنانه ودلاله وعزه وكنت سعيدة وعمري ما شفت قسوة منه الا لمصلحتي
والله ما اكذب عليكم ان فيه رحمة رحمة رحمة ماتوسع قلوب البشر
والله قلبه ارحم علي حتى من قلب امي
جعله الله في جنة الخلد يااااااااااااااااااااااااااااارب الله يرحمة ويرحم اموات المسلمين ويجازيهم الفردوس الاعلى ياااااااااااااااااااارب
الله يفتح له ابواب الجنه كلها
الله يغفر له ذنوبه
يارب ترحمة مثل ما رحمني يارب تجعل تربيتي في موازين حسناته
رباني على الطيب ومكارم الاخلاق والكرم والجود وكل خير
بس ماعلمني ان هالدنيا مثل ما فيها خير فيها شر الله يرحمه
رباني على ان الناس كلهم طيبين مثله الله يرحمة يا ربي ترحمة مثل ما رحمني
انا يا بنات قبل لا اتزوج كنت شقية شقية حييييييل
ومدلعني جدي كاني اصغر بناته
وكنت بشقاوة الطفولة والتدليع الزايد
كنت اعاند خوالي اللي هم عياله
واشاكسم وارد عليهم اتفاخر بشقاوتي
ولا جو يضربوني يلحقوني و اركض واروح ورى ضهر جدي
وكان جدي يدافع عني مع اني مخطية ويقول
ياويل اللي يلمس شعره من بنيتي
يالله روح انت وياه
كنت بنته المدلله
كنت طفلة شقيه على قولتهم نمرودة متمرده صوتي عالي ولساني طويل يبيله قص
ومستقوية لاني دلوعة جدي
وشريه ياويل اللي يقولي شي اكله اكل
كان مايقصر عني
لا في مأكل ولا في مشرب ولا في اي شي اتمناه
كان مدللني
وقدر الله ويزوجني ابوي الحقيقي لولد اخته وانا عمري 15 سنة
ورحت من عند حبيبي جدي
رحت لزوجي وبما انه اول رجل في حياتي وكنت صغيرة سن ومراهقة
حبيته حب غير طبيعي حب شديد كنت اعده امي وابوي اللي ماتربيت في حظنهم سوى
كنت اعشقة بمعنى الكلمة لكن هو...
ماحبني...
وكان يعذبني ويحرمني وشال كل ما كان معطيني جدي
سحب مني الجوال بالاقناع انه بيجيب لي واحد ثاني وكنت بزر وصدقت
وكان يقصر علي وكان يضربني تعذبت معه عذاب ما يعلم به الا ربي وكنت ساكته ولا اقول شي لاني طفلة جاهلة وغبية وكنت افكر بقلبي
ذنبي الوحيد اني حبيته
آآآآآآآآآآآآآآآآآآآآآآآآآآه
ليتني املك نضج عقلي الان في هذاك الوقت لما كنت صغيرة وما كان معاي اطفال كان تطلقت منه وارتحت وعوضني ربي احسن منه بس ااااااه مشكلتي بنتيني هاللي معي لو انفصلت بيتشتتون لان بيئتهم ماهي مثل بيئتي عند جدي وخوالي اتيحت لي تربية يمكن ماتتاح لهم انا كنت مدلله حتى والله ما كنت احس بفرق عني وعن الاطفال الاخرين لكن بناتي بيحسون وما ابيهم يضيعون لان بيئتهم ومجتمعهم غير وخص عماتهم وجدتهم وجدهم غير لو بيعيشون عندهم بيتعبون نفسيا وابوهم مهملهم وانا معه كيف لا رحت عنهم وش بيصير؟؟
وابوي لما طلبت الطلاق قالي اذا طلب بناته باعطيهم اياه لاااااااااااااااااااا ليش؟ ظلم يا ابوي كذا ظلم
يعني عشانه ولد اخته؟؟
قلت له ما اتخيل حياتي بدونهم
هم لسى صغار الاولى 3 سنوات والثانية 6 شهور لا وصلو 7 سنين ياخذهم ابوي رفض قمة الظلم
ومرة ابوي ما تبيهم وتقول لي عند ابوي ابوك يالله يتحمل يربي بناته بيربي عيال الناس؟؟ وابوي ساكت مثل الاطرم
لان مرته ماتبيهم قال كذا
والله اعلم
وهذا اللي رجعني لابوهم مجبورة عشانهم الله لا يحرمني منهم
حسبي الله ونعم الوكيل على كل ظالم ومعتدي
لكن
الحمد لله على كل حال
لما تزوجت انقلبت شخصيتي 180 درجه ماعدت
ن ب ض ة قلب
اللي قبل لاتتزوج
كنت شقيه صرت هاديه
كنت قويه صرت ضعيفه
كان صوتي عالي وجهوري صار منخفض جدا
كنت شقية وخشنة صرت انعم من الريشه
كنت احب الضحك بصوت عالي صرت اتبسم
وكنت ازور جدي وكانوا يجتمعون عنده بنات خالتي
ولما شافوني كذا كانوا يقولون
ن ب ض ة قلب يوه معقول
من تزوجت ركدت
من تزوجت هدت
من تزوجت صارت ناعمه
وجدي كان ملاحظني وعارف اني ماني بخير
هو الوحيد اللي كان عارفني عز المعرفة
ركودي ما كان ركود كان انكسار ...
هدوءي ما كان هدوء كان حزن وهم...
وكان دايم يمسكني ويقولي امي انتي فيك شي؟ مضايقك زوجك؟ آآآه الله يرحمك يا حبيبي الله يرحمك والله دمعي على خدي كنت اقول لا ما فيني شي وكل مرة كذا
وزوجي كان بخيل وجدي كان يشوف نوعية ملابسي تغيرت للاسوء
فكان كل ما شافني رحمني و مسك يدي وحط فيها خمسمية كل اسبوع او اسبوعين لما ازورهم
الله يرحمك الله يرحمك
وزوجي الحين امووووووووووووت ولا يعطيني ريال واحد في يدي
وظالمني وقاهرني وحارمني من كل شي
لا عاطفيا ولا نفسيا ولاماديا
ولا في اي استقرار بيني وبينه
مع انه اكبر مني ب عشرين سنة انا الان عمري 20 اهو 40 سنة المفروض يدلعني لكن هيهات
اعوذ بالله كارهني كره غير طبيعي ويقهرني ويتشفى فيني لما يشوف الدمعه على خدي في قمة قهري يبتسم
حسبي الله ونعم الوكيل على كل ظالم
الله ياخذ حقي منه
آآآآه ياجدي الله يرحمك ويتغمد روحك الجنه
ما انسى مواقفه معي لو امووووووووووووووووت واندفن في قبري
رباني ان هذي الدنيا وردية وبريئة وبيضاء ما فيها سواد الله يرحمة
ادعوله تكفوووووووووووووون هذا اعظم انسان في حياتي
اعظم انسان في حياتي اللي ما يسوى اي احد ثاني في حياتي غير والديني وبالنسبة لي اعظم من والديني كان لي الام والاب بنفس الوقت لما انفصلو والديني وكل منهم تزوج وشاف حياته هو اللي رباني واعتنى فيني
الان قلبي يتقطع نفسي اروح اعتمر له رغم مرضي بفقر الدم الشديد وادعيله من شتى انواع الدعاء عند الكعبه ارفع يديني ادعيله وانا ابكي قلبي يحترق ابي مكة اعتمر له وادعي له
ادعولي ان شاء الله ربي يهدي زوجي ويوافق اروح اعتمر له عمرة يوم الاربعاء هذا
وتكفون ادعو له ادعو له ادعو له
لما تضيق بي الدنيا اول من يجي في بالي اهو اتذكرة وابكي من حزني وهمي ومن فقدي له لكن هذا امر مقدر ومكتوب من رب العالمين مالنا فيه يد
له سنة وشهرين من توفى
توفى بسبب سرطان بالدم الله يرحمة تعب وودوه المستشفى ودخل في غيبوبة ما يدري عن احد جابو له واحد من قريب له ملتزم يقرأ عليه وجابو له شيوخ ويقرون عليه خواله ما يتأثر
وزرته اول زيارة كانت مع امي وخوالي جلست عند راسه وجلست ابكي ومسكت يده وكانت منتفخه ثم جيت عند راسه وبديت اقرى الرقية الشرعية من اوراق كانت معي ما كنت حافظتها وكنت اقراها وصوتي يرتجف ابكي ثم انفث عليه فجأة سبحان الله لما نفثت التفت علي خوالي ارتاعو وفرحوا وكملت اقرأ وانفث على راسه وصوتي فمي عند اذنه كل ما انفث يلتفت التفث ثلاث مرات وبعدها ما التفت كان حاس انه انا اللي اقرأ حس فيني وانا اقرا عليه وهو في غيبوبته سمع صوتي وحرك راسه
عياله ما تاثر منهم ماحس بس لما جيت حس
الله يرحمك ويصبر قلبي على فراقك
سبحان الله يوم توفى حزنت وبكيت وضاقت بي الدنيا لكن ما حسيت بفقدته فعلا
كان فيني كبت و غصة بكاء شديدة حزن لا يطاق
بعد سنة كاملة صار علي ضلم شديد وحزن وقهر شديد وقتها بكيت بقووووووة بكيت من قلب كنت اصرخ ببكائي لكن ماكان من الظلم اللي وقع علي وبس
لا
كان فيني كبت الغصة اللي كنت احس فيها
غصة موته غصة فقدته طلعت
كنت في لحظة انهياري وفقدي لعقلي بالبكاء
كنت انظر للسماء واصرخ اقول وينك يا ابوي عبد الرحمن شف اللي صار لي وينك ابي اشكي لك ابي اضمك وابكي في صدرك ليش رحت يابوي عبد الرحمن ليش رحت ابيك ابيييييك ابييييك ابي حنانك رحمتك وينك وكنت اصارخ وطحت على ركبي وانا ابكي بصراخ
ولما استوعبت كلامي وهديت شوي استغفرت ربي ورفعت يديني للسماء وقلت بصوت عالي
يارب ترحمه يارب تدخله جنتك ارحمه مثل مارحمني يارب ارحمه يا رب ارحمه وجازه من جنتك ما يشاء يا رب يارب يارب واسكنه في الفردوس الاعلى
والحمد لله على كل حال
هو الحمد لله من جبت اول طفله ما عاد يضربني الى الان
لكن يتعمد يقهرني ينرفزني يطفشني يحرق دمي يضلمني بكلام وبافعال كثيرة ما يمر يوم ما ابكي فيه او تدمع عيني
ولما دخلت ابوي في الموضوع وتكلم معاه يتكلم بهدوء وكان شئ لم يكن وينافق ويقول متى صار هالشي انا ما كنت اقصد كذا قمة النفاق وانا اقول لا تقعد تلف وتدور يا خي خاف الله
والله انه يسوي افعال يقصد انى يسويها يبي يتشفى فيني ويبتسم
الله يقهره
لما يضلمني وادخل معه في نقاش حاد وانهار ابكي بصوت عالي يسكر الشبابيك يخاف يسمعون جيرانا بالدور الثاني بكائي
وانقهر واقوله افتح الشبابيك
انت لا تخاف من الناس خف من رب الناس
والله مدرس دين بكالريوس دراسات اسلاميه بالله في احد يخاف الله ملتزم ملتحي يسوي كذا
ودائما انا بتزوج وانا بتزوج وراح وخطب من هالسنة سوريا في عيد الفطر وامس يقولي متملك ويغيضني يقلد سوري وهو يتكلم مع بناته
ويقولي بسكنها فوقك مكان الجيران
بالله اللي يخاف الله يمهد لزوجته وكذا لكن هذا يغيضني بالكلام
اعوذ بالله وش انا مسوية لك بيننا لاقدر الله دم ذابحتلك احد
وهاجرني بالفراش
جابلي المرض جابلي فقر الدم وانا في عز شبابي من الهم اللي يشوفني يقولي ليش وجهك اصفر؟
شعري خفيف من التساقط
احس اني خلااااااص كرهته
والله حتى اللحاف اللي لا جيت انام اتلحف فيه لما اشم ريحته في اللحاف ابدله بثاني اتقرف يجيني غثيان
من جد طااااااااااااابت نفسي احس اني عفته
كل انواع العذاب النفسي يسويه لي
الاشياء اللي ما احبها يسويها يتعمد قهري
ولما اقوله ليش كذا تقهرني يعني؟
يقولي انا ابغاك تقومين من النوم وتشوفين كيذا وتموتين من القهر!!! حسبي الله ونعم الوكيل
يبي يجلطني؟؟!!
الله ينصرني على كل ظالم الله ينتقم لي من كل ظالم
انا خليته على اللي فوق علي اللي عينه ما تنام
عين الظالم تنام وعين ربي ماتنام
يارب يذوق الظلم والقهر اللي ذوقني اياه ويشرب من نفس الكاس من اقرب الناس منه
لاتقولون لي يابنات انا حقوده او لاتدعين عليه والله ذقت قهر الله لا يذوقكم اياه
اموت في اليوم الف مره
ادعوووووووووووولي يفرج ربي كربتي او يموت وارتاح منه استغفر الله واتوب اليه
اهم شي في حياتي يكونون بناتي في حظانتي ومعي لاتقولون انتي حقودة انا مقهورة ومظلومة ودعوة المظلوم مستجابة
ن ب ض ة قلب @n_b_d_klb
محررة
يلزم عليك تسجيل الدخول أولًا لكتابة تعليق.
ن ب ض ة قلب
•
تكفون بنات ادعوله ادعوله واعذروني كلامي متلخبط لاني ابكي وفكري متشتت بس احس بفراغ كبير في صدري فقدت اعز ما املك بالوجود لكن الحمد لله ربي موجود وما يضيع عباده قل فادعوني فاستجب لكم
الله يرحمه ويجعل مثواه الجنة وموتلنا وموتى المسلمين والله يرزقة بركم من خالص الدعاء واعمال الخير
الله يرحمه ويغفرله ويسكنه الفردوس الاعلى
والله يعوضك خير ويهدي زوجك ويحنن قلبه عليك
ويهدي بناتك ويحفظهم من كل شر
والله يعوضك خير ويهدي زوجك ويحنن قلبه عليك
ويهدي بناتك ويحفظهم من كل شر
الصفحة الأخيرة