عآشقة.. :

‎انا كمان نفس مسؤوليتك ‎رمضان و حمل و تربية و أزيدك من الشعر بيت الهيمقلوبين عندي و الضغط في حالة انخفاض ، أدوه و انا فاطرة ما بالك و انا صائمة! الحمدلله ع كل حال بس ‎لكن دامك ب تفرزنين و قلتي إنّو يصفى لكم فلوس ف روحي محلات الحراج و خذي فريزر صغير فقط للمفرزنات تلقين هناك أسعار حلوة اصغر فريزر يكفي مفرزنات شهرين أو ثلاث مع الدجاج و اللحم ب ٤٠٠ ريال و بتلقين ب سعر اقل ‎و روحي ابو خمسة اللي كل شيء خمسة ريال و قشي من صواني ألمنيوم تخفف عليك الغسيل ‎انا أخذ منها مجموعات أشكال و احجام أسوي فيها كنافة و صواني خضار و صواني دجاج و انواع الكيك و الموالح زي البيتزا و الفطائر و المشاوي و الخلية ب المختصر اَي حاجة تدخل الفرن استخدمها لها ‎يعني تقريباً ب رمضان ما راح تغسلين الا قدر الشوربة و قدر الكبسة و ملعقة التحريك فقط و خلي الباقي بلاستيكات و أكواب ورقية للقهوة و الشاي و خذي برضو الصحون الورقية للاشياء الحارة زي السمبوسة و الصواني و الشوربات و الرز اذا انك توزعينه ب صحون لان البلاستيكات م ينحط فيها الأكلات الحارة عشان م تتسرطن هي فقط للباردة خليها ، و كلها ب ابو خمسة و تجيك مجموعة كبيرة و قشي سُفر و اكياس لحم احجامممم مختلفة عشان المفرزنات ، يعني لاًتحطين مفرزناتك في برطمانات أو علب خليها ب اكياس لحم >عشان تفتكين من الغسيل ‎اهم شيء روحي محلات ابو خمسة و قشي كل هالأغراض من عندهم ما بتكلفك ب الكثير ٧٠ريال لان هالأشياء برا تكون أغلى انا رحت هناك و قشيت حقة شهر رمضان كامل ‎ب النسبة ل شغل البيت قفلي كللل الغرف اللي ما تحتاجونها عشان تبقى نظيفة و خلي غرفة أطفالك و غرفتك و غرفة الجلوس و حمام واحد فقط >بلاش يتوسخ البيت كامل ب شكل يومي و تجلسين تكرفين ‎ب النسبة للمواعين بتكون قلييييلة جداً دام سفرتك كلها بلاستيكات و ورقيات و صوانيك اللي تطبخين فيها ألمنيوم تتوسخ ذي كلها و تنرمى ، يعني مافيه الا أشياء بسييييييطة جداً قدرين و ملاستين و أشياء ثانية بسيطة ذي اهم شيء أغسليها اووول ب اول عشان تفتكين و تخف عليك و يبقى مطبخك نظيف ‎ب النسبة للدجاج ذوبي اللي عندك كله خليه برا الثلاجة لبينما يذوب (لا تنقعينه ب موية أبد) اذا ذاب تقطعي كل دجاج الا نصف و وزعي كل نصف ب كيس و خطئها ب الفريزر ( هالحركة ترييييييح ب شكل ما تتصورين ) و صيري كل مرة طلعي نص أو على حسب عددكم و افتكي من انتظار فك الثلج و التوقيع و التقطيع ووو ، ‎الفرن حطي عليه ثلاث طبقات قصدير ‎بحيث اذا توسخ تشيلين اول طبقة و يكون تحتها طبقة نظيفة قصدير و ما عاد يحتاج تقصدرين من جديد > أتمنى انك فهمتي علي ‎ب النسبة للملابس خليها هي يوم ف الأسبوع مثلاً الجمعة ‎اما المفرزنات ف أكيد عارفة وش تبين تفرزنين و تسوينها من اللحين و شوفي لموضوعي ذَا نزلته قبل فترة كثييير بيساعدك فيه ردود بتساعدنا ‏

‎انا كمان نفس مسؤوليتك ‎رمضان و حمل و تربية و أزيدك من الشعر بيت الهيمقلوبين عندي و الضغط في...