ارجوكم ردوا علي قبل بكرة ضرووووري الله يسعدكم

اختي ذولا نصابين
والخمسين اللي اخذوها عشان يجبرونكم تجون للاجتماع
واذا رحتو بيحاولون يقنعونكم انكم تشترون منهم سكن في كذا دولة لمدة اسبوعين بالسنة
وتضطرين تدفعين مبالغ الوف مؤلفة

فنصيحة اتركيهم
وانسي الخمسين اللي دفعتيها

هلا ام الأخيار
نصيحة000 لا تروحين لإنها ابتزاز ورفع ضغط مايعلم به الا الله والمفروض ماعطيتوهم ولا ريال بس صدقيني ال50 ماتسوى وقلعتها مقابل الضغط اللي يبون يمارسونه عليكم
لإننا قبل شهر تقريبا اتصلوا علينا شركة العطلات 00الظاهر عيالي كاتبين استمارات في فؤاد سنتر اللي في الخبر ومسجلين بياتاتهم
المهم كلموني ولاحظي يركزون الزوجة لإنهم ياخذون رقم الثابت عشان يضمنون انها اللي ترد 00كلموني وقالو فزتوا معانا بجائزة وتعالوا احضروا الحفل للتعريف بالشركة وعروضها والجائزة لكم سواء وقعتوا معانا عقد ولا لا00تخيلي واكدوا على حضوري حتى يوم كلمهم زوجي قالوا لازم المدام0
رحنا للفندق إلا والله الزحمه وكل عائلة جلس معاهم مندوب وياكثر كلامهم وعروضهم اللي ماندري صدقه من عدمه وسكن مجاني في فنادق خمس نجوم وملاهي ومنتجعات وتسوق مجان
وكل هذا بس مقابل 10000ريال وطبعا وجودي كان للضغط على زوجي يعني اكون في صفهم اناو عيالي طبعا تسوق وملاهي
ما أطول عليك طلعنا من عندهم وحنا متنرفزين إلا يوقعونا العقد بالغصب

الزبدة لاتروحيييييييييييييييييييين ومتى مابغيتوا تتمشون والا تسافرون الحمد لله فلوسكم معاكم احسن من انكم تعطونهم فلوسكم مقدم وتقعدون تحت رحمتهم يامايردون يا مافي حجز

صارت معانا العام وفي الإجتماع يعرضوا عليكم تدفعوا مبلغ ما أتذكر كم المهم تاخذي شاليه لكم أسبوع
بمبلغ أقل وتقدروا تأجروه بمبلغ أغلى وتكسبوا يعني للي عنده سيوله مررررررررره حلوه وتدخلوا في سحب جوائز من ضمنها السفر لمصر
إحنا في البدايه قبل مانروح الإجتماع سألونا سؤال وجاوب عليه زوجي وكسبنا سفره لشرم الشيخ مع الإقامه لمدة أسبوع أو أكثر شويه بس للأسف حصلت ظروف منعتنا من السفر وأنتهت مدة الجائزه
الحمد لله على كل حال خيرها في غيرها إن شاء الله هذا الصيف بس مو لمصر

سالنا احنى مثلكم من اسبوعين لكن زوجي ماعطاهم وجه ولا عطاهم فلوس وهو يتاكدون من الي رواتبهم مرتفعه

لكن انا اظن انهم بيسون احصائيه على فروع اكسترا وكم عدد زوارها

اقول الفرار الفرار ,لأاتروحون ولاتطبون عليهم والله ماكنت متوقعه كذا عندنا الا بعد ماذكرت لي قريبتي اللي حصل لهم يوم قلت لها انا عن اللي صار لي بالامارات لا ويقابلك واحد كلامه مايحتاج والقلم معه بس يبون توقيع ..الله يقطعهم لا وياكدون لازم تجي المدام يحسبون الحريم مخفات..لكن ماعليك وريتهم الشغل تقهويت ولعب ولدي عندهم ..لكن اللي يقهر انهم يعملون تحت ادارة شركات عالميه ..تدرين روححوا وخوذوا خمسينكم وش يحللها لهم وتقهووا وغيروا جوا وكلامهم يدخل منا ويطلع من الثانيه ..وبالتوفيق