ارجوكم ردو ممكن يصير حمل بعد الاجهاض بدون دورة

السلام عليكم ورحمة الله وبركاته.خواتي الله يسعدكن انا كنت حامل ثلاث شهور وصار عندي اجهاض لانه البيبي توقف نبضه وعملت عمليه تنظيفات .الحمد لله على كل حال.بعد هيك قبل ما اطلع الدكتورة قالتلي لازم تجلسي اسبوع ما يصير جماع وبعدين عادي .وانا كنت انتظر تنزل الدورة علشان استخدم مانع .لانه ما بدي هلا يصير حمل بالذات اني كنت راح اموت لما صار معي الاجهاض كنت بالبيت ودمي نزل ثلاث وحدات خلال كم ساعة وضغطي نزل كثير ودخت وراسي خبط بالحيط ووجهي اجت فيه ضربات والحمد لله ولولا الحمد لله زوجي وحماتي صحيو علي كانت الساعة 2 بالليل وزوجي حملني عالطوارئ.فانا صرت خايفة من هالموضوع .المهم مثل ما قلتلكم انا كنت انتظر الدورة بس للان ما نزلت وصارلي من ما عملت التنظيفات شهر ونص تقريبا.امبارح جبت جهاز التحليل اللي بالبيت وطلع فورا خطين والله قلبي صار دقاته مليون وانصدمت .وبتمنى يكون فيه غلط .يا بنات انا راضية اكيد بنصيبي وقضاء ربي وما بتسخط لو صار حمل بس مثل ما قلتلكم من جهة انا ما كنت متوقعة يصير حمل بدون دورة وكمان انا خايفة بالذات دمي نزل كثير وهلا على حبوب الحديد علشان يرتفع.حتى الحمل اللي اجهض والله ما كنت مخططتله لكن نامت بنتي يومين بالمشفى وما اخذت الحبات لهاليومين وسبحان الله صار حمل.اللي بتعرف شي ترد عليي وجزاها الله كل خير واللي ما بتعرف تدعيلي ربنا يختارلي الافضل.