ارجوكم رودوا على......حلال ولا حرام??

السلام عليكم ورحمة الله وبركاته
والله انى اتصدمت النهارده قريت فى المنتدى من فتره احدى الاخوات كتبت موضوع بس مش فاكره لا اسمها ولا اسم الموضوع المهم كانت بتقول ان ابنها كان مريض وان الدكتور كتب له
على فيتامينات ولما اشترتها قرات مكوناتها ولقت ان فيها جيلاتين وبعدين اتصلت بالشركه
المذكور اسمها على علبه الفيتامين وسالتهم هل الجيلاتين من الخنزير وكان ردهم المفحم
نعــــــــــــــــــم من الخنزير وطبعا قررت ان ما تعطى ابنها منه والله انا شايفه ان جزاها الله خيرا المهم طولت عليكوا انا فريت الموضوع وخلاص نسيته وجيت النهارده وانا بدى بناتى
الفيتامين زى كل يوم افتكرت الحكايه دى ومسكت العلبه اقرا مكوناتها اتصدم والاقى فيها جيلاتين:06::06:قلبت العلبه شمال ويمين انى الاقى اي رقم تيليفون مالقيتش قررت ان شاء الله انى اذهب للفارمسى واسئل الصيدلى دى حاجه
الحاجه التانيه انى بحكى لوحده صاحبتى افاجأ انها تقولى ان فيه ادويه كتيره داخلها الجيلاتين
زي مثلا المسكن للصداع وحاجات تانيه قمت وجبت كل الادويه اللى عندى وقريتها الاقى دوا
لسه اخده منه النهارده الصبح للبرد برده فيه جيلاتين :44:استغفرك يا رب واتوب اليك
ايه اللى جاب البرد للجيلاتين???!!!
والله سالت ناس قالوا ان دى دواعى طبيه يعنى مش حرام
لكن انا شايفه انه طبعا حرام واننا نقدر نستغنى عن الادويه دى بحاجات تانيه
انا كتبت الموضوع ده بس عشان الفت نظاركم ارجوكم خدوا بالكم
وربنا يسامحنى ويغفرلى غلطتى فى حق اولادى
والسلام عليكم ورحمة الله وبركاته