ارجوكم ساعدوني....كيف اتعامل مع هذا الرجال

ارجوكم ساعدوني....كيف اتعامل مع هذا الرجال

زوجي يعاملني كعدوة يعايرني بأشياء كثيره في غالب الأحيان ليست موجودة فيني ويتأثر بزملاءه في العمل وكلهم للأسف زوجاتهم ربات بيوت وأنا موظفة(تعرفون الفرق الكبير بين الزوجه اللي جالسه في البيت ومرتاحه ومدللها زوجها و العاملة اللي تكرف ليل ونهار، بس زوجي يشوف انها هي -ربة البيت- المسكينه البريئه واللي تستاهل المعاملة الحسنه وهي اللي حريصه على زوجها) ولذلك يتهمني باني مسيطرة عليه لان بعض أصحابه للأسف زرعوا في نفسه قبل زواجه ان الموظفة تكون شخصيتها أقوى من شخصيته وأنها سوف تتحكم فيه وأنها مغرورة ومتعالية ومتمردة بسبب عملها وهو صعب من النوع اللي ما يغير فكرته حتى وان كان يعلم انه غلطان..... "كبرياء" !!!!

المهم الموضوع طويل وجوانبه متشعبه لانه عمر طويل اكثر من 10 سنوات من القهر والإحباط!
مادري من وين ابدأ ؟؟؟

كل ما حاولت التعديل والتقرب منه ما القي الا استهزاء و تحقير وتحطيم : انتي فاشله انتي تحبين شغلك اكثر مني ومن بيتك انتي مهمله انتي ماتصلحين لشيء شوفي غيرك وش يسوون والله يعلم اني مخليته على راحته بزياده وماني راعية طلبات واصرف على نفي من راتبي وقنوعه جدا لو قارنت نفسي بزوجات زملاءه او خواته

# انا ابي اغير نظرة زوجي لي مثل ما انا احترمه واحترم نظام حياته.
كيف اخليه يراعي مشاعري ومايسيء لي لان كل هذا ينعكس على صحتي وعلى الاولاد؟

# مرات كثيره حاولت انصحه بقراءة مواضيع تعرفه على التعامل مع الزوجه لكن هو للاسف مايقنعه الا مايبين ان الرجل دايما صح والمراة غلط ودايما يستشهد بكلام بعض من يقدمون برامج الاذاعة وهم للاسف لاينصفون المراة في غالب الأحيان وربما يشددون على ان المرأة يجب ان تعامل معاملة التابع الذي ليس له كيان.

واعتقد انها افضل طريقه لارشاده في هذه المواضيع هي ان يقرا ما يكتب عن فن معاملة الزوجات ولا لا؟ لاني لا أستطيع ان اقول له افعل كذا ولا تفعل كذا .

للأسف زوجي لا يرى عيوبه برغم تقصيره الواضح معي
هل تصدقون انه لم يسعَ حتى لنقلي من وظيفتي لأكون قريبة منه في نفس المنطقة التي يسكن فيها
منذ زواجنا قبل اكثر من 10 سنوات وانا من يجري وراء معاملات نقلي وبدون فائده. وقد مضت علي سنوات كثيرة بعيدة عن بيتي
كل هذا يحز في نفسي وانا اشوف زميلاتي ينقلن حتى قبل إتمام الزواج ومستقرات ويجعلني اشعر أنني لا أساوي شيئا بالنسبة له وانه ليس في حاجتي وفي المقابل قام بنقل أخواته اكثر من مرة من عملهن في القرى حتى اصبحن بجانب البيت ومع ذلك لا يعجبهن العجب برغم الواسطات اللي سواها علشان يرضن مع العلم ان هناك من اخوانهن الاخرين من يستطيع القيام بذلك خاصة وانه معن في نفس المنطقة اما انا ماطلبت واسطه بس ابي رجال يوقف جنبي
وكل هذا بسببه وبسبب امه لانهم عارفين اني اشتغل ولازم انقل وسنه كاملة قبل الزواج ما سووا شي
حاولت ترك الموضوع عليه لكي يساعدني في مراجعة الأوراق في الرئاسه ولكنه لم يفعل ولم يحرك ساكنا حتى لو بقي الحال هكذا للابد ويطلب مني أنا أن اقوم بذلك ويلومني على التقصير انا ايش بايدي اسويه يا ناس؟؟؟؟؟ مابقي إلا أني البس عباتي واروح لهم

# مكالمات وخطابات ومتابعات كلها انا اقوم فيها ومع ذلك يقول انتي ماتبين تجين بيتك انتي ما تبين تنقلين يمكن انتي تسوين كذا علشان اذا مليتي مني ترجعين لاهلك بسهولة. بالله عليكم هذا كلام!!؟؟؟؟
والمصيبة الكبرى ان امه تتهمني باني مسيطرة عليه ولا اريده ان يرجع الى اهله ويبحث عن عمل عندهم (نفس منطقة سكن اهلي) ولا تبيني انقل لبيت زوجي (في المنطقة الاخرى) تبيه هو يجي عندها وانا اظل في عملي مع العلم بانه مستحيل ان يجد عمل يناسب مؤهلاته وعمله الحالي لن يستطيع تعويضه وقد قضى فيه ما يقارب ال17 سنة

# كثيرا ما احلم انني ربة بيت وجالسه في بيتي بكرامتي و اتمنى اني لم اكن موظفة حتى لا يحصل كل هذا لان كل ماحدث ويحدث سبب لي مشاكل صحية ونفسيه فضيعة جداً جعلتني بائسة لا اشعر بأي قيمة لنفسي ولا لحياتي ولا لعملي الذي اعيش منه( لاني اصرف على نفسي لانه لا يرغب في ذلك بسبب اني "مستغنيه")
ومرة سالته لو كنت غير موظفه هل تعطيني مصروف؟ فقال طبعاً لا أنتي تأكلين وتشربين من راتبي وليش تبين مصروف. مع العلم اني ماقصرت عليه براتبي وعطيته اللي مارضوا خواته يعطونه وهن غير متزوجات ورواتبهن اكثر من راتبي. بل على العكس يساعدهم ويشتري لهم اشياء غاليه تفوق ال6 آلاف ريال وهم غير عاجزين عنها
فكرت كثيرا في ترك العمل لاجله لكن اذا شفت تخليه عني غيرت رأيي وانا اللي تعبانه في هالموضوع مو هو ، بكرى يتركني وما ينفعني غير راتبي

من أنواع التقصير انه ما يعرف يقول كلمه حلوه أبدا لأنها تنزل من قيمته كما يعتقد!!!!!
ويكذب علي كثيرا و لا يتكلم معي حتى في مواضيع تخص البيت والاولاد ويعتبرها مسوؤليتي لوحدي
ويرى أن المفروض يكون ما يخص عمله أسرار يخفيها عني حتى راتبه لا يريدني أن اعرفهّّ!!!
بينما أنا اترك بطاقتي( الصراف) في جيبه ويعتبر هذا واجب من واجباتي واني لو ما سويت كذا اكون مااستاهل............للحديث بقية آســـــــــــــفة جدا جداً جداً اطلت عليكم لكن كل هذا لاني اعتبركم خوات واتحملوني لاني عايشه في دوامه............الله لا يوريكم

ابي تعلموني كيف اتعامل معه وهل الصمت يجدي مع اني جربته كثير لكن للصبر حدود وتجي ايام انفجر من الكبت ،يمكن لاني بعيده عن اهلي وما القى من اشكي له همي.





44