ارجوكم ساعدوني

السلام عليكم
كيفكم يا بنات عالم حواء ..طبعا انا ما دخلت وكتبت الا عندي مشكله
مشكلتي مع زوجي وامه من اول ما تزوجنا يعني من ست سنوات
عندي ثلاث اطفال والحين خلاص قررت ما انجب اولاد الى انا يرا الله في امر
في البدايه منعني من اني اخذ موانع للحمل وانا نيتي كانت سليمه قدام ربي ونفسي ولله الحمد كنت اريد اباعد عشان ارتاح واقدر اعطي زوجي حقوقه..
منع انه الخدامه تساعدني في مسؤليت الاولاده وكان هم وعبأ كبير علي ما انكر واقول ما احد ساعدني بس لو وقفوا اهلك او اهل زوجك بالنهايه الكل راح يروح في شغله وانتى الى تتحملين مسؤليت بيتك واولادك بنفسك
كنت محتاجه الخدامه لانه عندي ثلاث اطفال اعمارهم بين 8 شهور وسنتين واربع سنين
وانا اقول تعبت... صح هذي مسؤليتي والكل عنده اولاد مو انا وهذي مب مشكله
بس والله معاناتي زادت مع الاولاد
زوجي ما عمره طلع معاااااااااااااااي...ما عمره سافر لا مدينه قريبه ولا بلاد بعيده
والامر انه ما عنده رخصة قياده
لما كلمت امه قالت هذي مسؤليتك ...!!!
انا عرفت انه ما عنده ليسن بعد ما مر على زواجنا ثلاث سنسن
خبا علي وعلى اهلي
الناس كلها كانت تستغرب لما اهله يطلعون وخاصه في الاجازات واان والادي على طول بالبيت واذا حبيت اتنفس اروح بيت اهلي
حرمني من كل شي حلو سوق للضروره القصوى ,,ويقول الحياة مو سوق


بنات انا انثى لي احساس ومشاعر لي كيان احس اني انهنت كثير وانه كرامتي انمسح فيها الارض صبرت وتحملت وخدمت اهله بعيوني قسم بالله انه الغرب الى ما يعرفوني يسالون عني بالمناسبات لما يشوفوني اشل واحط وفي العزايم بس عشان يكون راس زوجي دايما مرفوغ ويرجع يقول لما تصير مشكله بينا انتى تصغريني قدام اهلي؟؟؟

كان عندي ورث لما ينزنا كنت اخذ من المبلغ الى عندي واصرف على نفسي واولادي خاصه لما يكون وقت عيد وما يكون عنده اى مصروف حقي
تمر الشهور والايام ما احس الا اني اموت ....


بنات انا مستعده اجاوب على اى سؤال...بس صدقوني عمري ما قصرت في حقه

حياته الجنسيه كل شي اعطيه واسعده وهو متمسك فيني يمكن لهذا السبب



عطوني حل انا تعبت وحاسه اني مخنوقه
مشكلتي مو من اليوم او امس
انا من فتره طويله اعاني ,,, ولو عندي مكان ثاني بطير له بس ما اعيش يوم واحد مع هالزوج


للعلم زوجي ما يصلي ولا يهتم بالنواحي الدينيه

تعليمه اقل مني بوايد وحتى مستواه المعيشي يعني انا كنت في بيت اهلي اسافر كل سنه واروح واجي

بس هالحياة تخنقني ارجوكم ساعدوني