الوردة الأنيقه @alord_alanykh

عضوة

ارجوكم ساعدوني

يا اخواتي انا عندي مشكله ولين دحين ما اتحلت اتمنى الي عندها
حل مناسب تكتب وبسرعه لأني تعبت من كثر ما افكر
اولا انا متزوجه وعمري 22 اتزوجت من 4 سين اول سنه كانت احلى سنه حملت فيها وجبت ولد صح كان فيها بعض التدخل من اهله بس كنت اطنش .
على فكره زوجي من يوم ما اتخرج من الثانوي خرج من بيت اهله وعاش لحاله يعني طول عمره مايعرف عالم الحريم يعني كان يعاملني كأني واحد من اصحابه.
المشكله بدأت انه اتغير للأسوأ بدء يصرخ على كل شي اكتشفت انه حكى كل اهله عن الدخله و صار يحكي اهله عن كل شي في البيت الي يجوز والي مايجوز خصوصا احد من اخوانه واخوه يكلم حرمته وحرمته تنشر للكل واكتشفت الإكتشاف الأعظم انه يحشش كان يجيب اصحابه للبيت ويحشش معاهم ويخرجوا.
انا شفت الوضع كذا بينت اني ما اعرف ولاكلت لأحد كتمت السر في قلبيي منعت ان اصحابه يدخلوا في بيتي طلقني بالسنه الثانيه وبعدين رجعت علشان ولدي وقلت يمكن يتغير وكنت احبه بعدين بدأت تدخلات الأهل على اكبر صار في كل كبيرة وصغيرة كلمت اخته وفهمتها اني ما احب احد يدخل بشؤني الخاصه واذا اشتكاكم ولدكم فهموه انه مايصير يتكلم هذه اسرار بيت هدأت الأمور شوي هذه السنه صاحب الشقه قال له اخرج من الشقه لأنك بتزعجنا انت واصحابك الي خفف منهم قدامي بس كان كل مااخرج من البيت يجيبهم او انام يروح يجيبهم واصحى وانا مكتومه من ريحة الحشيش واقول له ايش هذه الريحه يقول دخان صيني ريحته قويه وامشيها بس اقوله ما اقدر استحمل الريحه خليهم يخرجوا ويخرجهم .
المشكله الي انا فيها هذه السنه قالي روحي بيت اهلك لين ما الاقي شقه كلها شهر وننقل على الشقه الجديده مارضيت قلت اروح معاك على شقه مفروشه كلم اهلي ووعدهم شهر وننقل على شقه رحت بيت اهلي وشهر بعد شهر الين هذا الشهر يعني 6 شهور من ثالث شهر لقينا الشقه بس مانكلنا وليش علشان اسباب تافهه انا مشغول انا اخوي بمشكله ماني فاضي انا صاحبي بمشكله ماني فاضي وانا ما دخلت احد من اخواني او ابوي بعدين كلام الناس كثر احد يقول اطلقت احد يقول مو رجال شككوني فيه كيف يستغني عن حرمته 6 شهور ولما اكلمه يقولي عادي ولا يخلي ابوه يرد علي الجوال ويصارخ علي ويقول هو مشغول انا كذا طفشت واستخرت وطلبت الطلاق وقالي ابشري وقلت له طلق الحين مارد علي وخرج طيعا يستشير اهله والحين انا لي شهر وهو مطنش ابوي اتصله وقاله تعال نتفاهم وما جاء وابوي مصمم انه بعد العيد يروح المحكمه علشان يطلق وانا ما ابغى محاكم علشانه ابو ولدي بغى ابغى الطلاق يتم بالتغاهم.
اخواتي هذه هي مشكلتي وانا بين ناريين بين اهلي الي يقولو الطلاق علشانه ماراح ينعدل وبين ولدي خايفه انه يتشتت بينه وبيني واهل زوجي يخلوه يكرهني.
على فكرة ترى زوجي ماكان يروح لأهله طول ما كان عايش لحاله اهم شي عنده اصحابه معاه خلاص هو مرتاح ولما شفته كذا نصحته وقلت له لازم تزور امك واخواتك وكنت الح عليه ومن بعدها اتغير صار يشوفني كيف اعامل اهلي يسوي مثلي وكان يتهيأله اني اقول كل شي لأهلي واني ادخلهم بكل شي وانا والله عكس كذا وقلت له انا مو كذا وفهمته بس اهله مفهمينه اني اقول كل شي لأهلي وانت لازم تقول والله اعلم منهم او من اصحابه اصحاب السوء والله اعلم ارجوا الرد السريع.

492

يلزم عليك تسجيل الدخول أولًا لكتابة تعليق.

تسجيل دخول

الوردة الأنيقه • 14 سنة

مو طايش عمرة 42 سنه واتزوجني وعمري 22 وقالوا عمره 37

معتزة بذاتي • 14 سنة

لاحول ولاقوة الا بالله ..

خليكي في بيت اهلك ...

يا ينعدل حاااله يجيب لك شقه و يشتغل شغل محترم و مايكون له علاقاات بأصحااب السوء .. و لازم يجلس فتره يثبت لكم انه قد المسؤوليه فتره كذا وبعدين ترجعي له ..

اما كذا لا ما ينفع حاله ...

يا امساك بمعروف او تسريح بإحساان ..

ولا تخافي على ولدك ...

احسن يتربى في بيئه نظيفه و محترمه و معاكي ...

ولا يتربى في بيئه كلها محششين و اصحااب .. تخافي بكره النهار ابوه يكون مثال سيء له ....

و هوا ولد ... لاتخافي عليه ان شاء الله ..

المشكله زوجك عمررره كبيررر يعني 42 و حالته كذا لا حول ولاقوة الا بالله ...

و يدخل اهله و حاااله ..

انتي اهم شيء استخيري وادعي ربنا يختار لك اللي فيه الخير ..

ولا ترجعي الا بعد ما تطلع عيووونه ويعرف قيمتك و يبطل التحشيش و البلاوي دي و ويوفر لك سكن محترم زي باقي الحريم ...

ياري يسترك ويعينك حبيبتي ...

Arjoin • 14 سنة

الله يهديه اصبري واستخيري