ارجوكم ساعدوني

أولا : حياك الله ..

ثانيا :..اختي ما ذكرتي نوع المشكله ومن البادئ ومن المخطئ ..وكيف تصرفتي ..يعني رديتي عليه بالكلام ...بإختصار لك نصيب من الخطأ ..

ثالثا :...قلتي دفك !!...يعني ما ضربك ضرب مثل بعض الأزواج الله يكفينا شرهم ....انا ما أقصد إنه شيء عادي ....لكن هم اهون من هم ...

رابعا : ...انتي ما شاء الله عليك ما قصرتي فيه ...رحتي لبيت اهلك وخليتيه هو اللي يجي ياخذك ويتأسف ويراضيك ...

خامسا :...طول البعد يسبب الجفا ...فأنصحك ما تطولين المده اكثر ...لانها إن طالت مصخت وصار الوضع عنده عااادي ...


سادسا :..اهم شيء تقعدين معه .وتتكلمون ..((عشان تطلعين اللي بقلبك ..ولا يبقى قلبك مقهور ..)).........وتفهمينه ((وبأسلووووووب )))..... إن اللي سواه غلط ..والرجال ما يمدون يديهم على الحريم ...والرجوله ما هي باليد .... ..فهميه زعلك وفهميه معزته بقلبك وحبك له ...لكن هالفعل ما يرضيك .ويهز صورته قدامك ......ويقلل من معزته بقلبك ......ولا يكررها ......


هذا اللي أقدر أفيدك فيه وإن شاء الله البنات ما يقصرون ...وعندهم نصايح أفضل واكثر .....

د
و
ر
ي

أ ولا أنتي ماقلتي منهو الغلطان فيكم أنتي ولا هو ..
وهل أنتي أستفزيتيه بكلمه خلته يسوي هذا التصرف؟
وبعدين اللي فهمته من تصرفه أنه عصبي ..
المهم لازم تكلمينه عن التصرف اللي سواه وأنك ماترضينه يسويه مره ثانيه .. وإذا سواه مره ثانيه مراح تسامحينه لو أعتذر مليون مره ..
وحاولي في الأيام الجايه أنك تبعدين عنه إذا كان معصب وأشتد الكلام بينكم يعني أتركيه لحاله لحد مايهدى وتفاهمو بدون عصبيه.. وحاولي أنك دايما ترضينه إذا كنتي تقدرين ترى حق الزوج عظيم.. ولو فكرتي مجرد تفكير أنك لاقدر الله تفقدينه وأنتم زعلانين مع بعض شوفي موقفك كيف بيكون..
حاولي تصلحين أمورك مو على حساب أهانتك وعلميه إن هذا التصرف مايرضي أحد ..
الله يوفقك مع زوجك ويسعدكم ويبعد كيد الشيطان عنكم..

انا اعتقد تجلسين وتفتحين معة الموضوع وتفضفضين الي بقلبك
واذا هو كان غضبان وثاير مايصلح تردين علية بالكلام
لان الرجل بهالمرحلة مايحس بنفسة

لا طولين الزعل دام انه اعتذر اقبلي اعتذاره وبكل محبه وحنان تفاهمي معاه نصيحه اذا طولتي الزعل بتخلينه يحس انه غلطان بعتذاره لك .
ولا تروحين عند الاهل وقت المشاكل هل مره خذاج المره الجايه يمكن يطنش لذا أنصحك بالتأني والرويه في مواجهة المشاكل الزوجيه داخل اطار منزلك والتفاهم والمصارحه الوديه أول بأول ولكن بعد انتهاء العاصفه .
تحياتي لك .

المره هذي دفك ورجعك البيت واعتذر يعني هونيها وتغاضي
لاتخلينه يتجاوز حدوده ووضحي له هالشي وخليه يعرف قدرك زين
قولي له انا فوتها بمزاجي المره الجايه مابيكون فيها مزاج ( مادون الحلوق الا اليدين )
هذا وانا ماعرفت الغلطان بس ولو مهما غلطتي ماتوصل لليد والرجل مره وحده الله يهديكم لبعض