ارجوكم ساعدوني

السلام عليكم
اخواتي محتاجه لكم برأي سديد منكم ونصيحه قبل انجلط من هالرجال
انا مملكه من اربع شهور واراسل زوجي واحيانا يكلمني
اسلوبه متعب 
مره يكون كويس ومرات غريب تصرفه
شخصيته بااااارد وحساس جداً
وزهقت من المشاكل معه
مدري كيف اتعامل معاه ابتلشت 
البارح صار موقف وزعلت انا وجلست اعاتبه ولما دخل الكيك وشاف رسايلي طار وعصب قال بعاقبك ثلاث ايام عشان تتركين سوء الظن وحدت الكلام 
لاني اذا عصبت شديت معه
لكن وربي بروده يذوب الصخر هالآدمي
قلت له انت اهنتني بعقابك هذا
تبغى بعدي 
معناها ماتحبني
قال فسريها ع كيفك 
ولوتكرهيني عادي براحتك
لازم أأدبك
قهررررني
قلت خلاص براحتك واذا احتجتني انا موجوده
طلعت وتركته

احيان احس اني جد افلت اعصابي
بس كيف اتصرف مع حركته هذي ؟؟؟
اطنشه ولا ادخل وامسي عليه مثلا واصبح

علما انه قال ثلاث ايام ماراح تشوفيني


ارجوووكم يا اخواتي ساعدوني الفتره هذي حساسه وتحتاج تعقل
اخاف اهين نفسي له
واخاف اذا ما ارسلت له راح يتعود على بعدي


علما انه يقول ابيك تتادبين معي ومو كانك تكلمين صديقتك
تهاوشين وتزعلين

احس بلخبطه
انصحوني ايش اسوي ربي يفرجها عليكم وييسر اموركم ويسخر لكم ازواجكم ويرزقكم سعادة الدنيا والاخره