كلام الاخت عين العقل ,,,,,,,,,,,,ترضى ربك ثم انك تريحى نفسك من مشاكلهم لانهم هايهدوا عليكى ان شاء الله ...............جربى

اخواتي الله يسعدكم على هاذي الردود
لاكن حابه اوضح لكم شي اخته المتزوجه تبغاني اعتذر واتأسف لها وهذا شي مستحيل
اخواته اللي في البيت والله العظيم طلعت لهم وقفت على الباب (سلام سلام)محد رد علي رحت لجهتهم سلمت(عيد الفطر)سلمو بأطراف اصابعهم
و(عيد الأضحى)كتفي بكتف وحده فيهم على الباب متسلم
لماتصير عزايم اطلع لهم قدام الناس لاحترام ولاغيره ترمي عباتي برا الغرفه لغاية قررت ماأطلع وبرضه ماسلمت من المشاكل تمنعين بناتنا(بناتي)عنهم ؟؟؟؟؟؟؟؟؟؟؟

ام حبيبي_روز_دارين _ام عطاء الله يعطيكم حتى يرضيكم الله يشرح صدوركم وينولكم السعاده والأســــــــــــــــــــتـــــــــــقــــــــــــــــــــــرارفي الدارين

الله يهديكي

شوفي اختي انتي الحمدلله الان صحتك زينة

يعني انا عاذرتك لما تنقهرين من معاملتهم اللي بدون سبب

لكن هذا اللي الله كاتبه عليكي

وانتي عليكي انك تبادلينه بالصبر والحلم

مهما يقولون لك امسك نفسك واياك والغضب

وعليكي بالصبر
صدقيني ما ضاقت الا لما فرجت

واذا هم بايعينك خلاص اعتبريهم انهم مو موجودين

حتى لو يعز عليكي لكن انتي ما بيدك شي

الله قادر يغير الحال من حال الى حال

الجئي له وادعيه واكثري من الاستغفار

اما زوجك قبل كنت اقول الرجل اللي يحب زوجته هو اللي يدافع عنها حتى لو امه

لكن احين انا ما اغلطه مثل ما انتي زوجته هذولا هله وماله غنى عنهم

وانتي ام وعارفه

يعني مو معقولة بيروح يهاوشهم

احسه يحاول يكون دبلوماسي انه ما يزعل الطرفين
ولا تزعلين منه ترى هو ما بيده شي

وثقي اذا انك مظلومة فالله ما راح يضيع حقك مهما طال الزمن

وسعي صدرك ولا تخلين مواقفهم تكدر عليكي حياتك

والله يجعل لك من كل ضيق فرجا

ياحياتي مو بس إنتي اللي تحصلك مثل هذي المشاكل ....بس بقولك على نقاط لازم تنتبهيلها

أولا إنتي تحبين زوجك وهو يحبك .إحمدي ربك على هالنعمة ترى غيرك كثير محروم من هالنعمة وعايش حياته على البركة ....لا تخلين مشاكل تافه تخسرك حبيبك

ثانيا إنتي عايشة بشقة منعزلة يعني محد غاصبك تقابلينهم 24 ساعة ...غيرك رغم كثرة المشاكل عايشين بغرفة بنص البيت يتصبحون ويتمسون بالمشاكل اللي من هالنوع

وبعدين إنتي منتي عايشةالعمر كله معاهم بيجي يوم ويشتري زوجك بيت تسكنون فيه لحالكم حتى وإن طال الزمن
ثالثا موقف زوجك يدل على حسن خلقه وهذا من مصلحتك إنتي وبناتك ...ياما رجال يزعلون لما ينظلمون حريمهم ويهاوشون أهلهم ومايستفيدون إلا زيادة الحقد على حريمهم

لو يدخل زوجك بهالمشاكل يقولون حرشته علينا وغيرته وهو ماكان كذا ...وتصيرين إنتي الملعونة ....بالعكس تصرف زوجك عين العقل وكافي إنه حاس فيك

وبعدين إلتفتي حولك ماراح تلقين أحد مرتاح ......وراح تهون مصيبتك جنب غيرك وثقي مو بس إنتي اللي تنظلمين .....على قولتهم ياما في السجن مظاليم <<<<< كناية عن كثرة الظلم

رابعا وأخيرا أكثري من قول اللهم أكفنيهم بما شئت ...اللهم رد كيدهم لنحورهم ...مجربة

هلا عزيزتي

الله يشفيك يااختي ويهدي اهل زوجك يااارب

والحمدلله انه زوجك معاك وهذا الاهم

خليك مسايرتهم ولايهمونك بس عشان زوجك وعيالك الله يحفظهم

وانتي تقولين انك مظلومه ... ادعي ادعي ادعي

ان الله يفرج همك

ان الله يهديهم

ان الله يصبرك ويشفيك

(((((((((( دعوه المظلوم مستجابه ))))))))))))


تقبلي تحيتي اختك
آلاء