ارجوكم ساعدوني !!أصبحت أختي أرمله...........

السلام عليكم ورحمة الله وبركاته
هذي قصة اختي جدا مختصره

تزوجت اختي من سنه ونص وكتب ربي انها تحمل وقبل الزواج صار لزوجها حادث بحكم انه مدرس برا المدينه وبعد الزواج صارله حادث ثاني وفي يوم الأثنين22/11 ولدت وجابت ولد وسماه زوجها البراء على اسم الصحابي ومعاها طول الوقت حتى لما خرجت من الكشك كان معاها ويوم الأحد كانت ترضع ولدها قدامه جلس يبكي وصباح الأثنين1/12 يعني قبل اسبوعين (هي عند اهلي)اتصلت عليه الساعه 3 وصحته يصلي ركعتين ويروح الدوام وكلمها في الطريق ويكلمها عن الرضاعه الطبيعيه ولازم ولده يرضع طبيعي وقالها ذحين اصلي الفجر وكانت اخر مكالمتهم وصارله حادث ثالث وتوفي فيه
توفي بعد مكمل ولده اسبوع اختي صابره ومحتسبه وتقول زوجي على خير ان شاء الله
كان يردد لها (من ضمن مابين رجليه ومابين فكيه اضمن له الجنه)وكان يقول انا ضامن (زوجها ملتزم ويخاف الله)

الله قادر يصبر امه (مره رضي فيها)وينزل بقلبها الصبر والسلوى امه تمشي في الشارع من هول الصدمه ماعندها غيره وكمان واحد بس كل كلامها وحياتها ومراجعات المستشفى هو كفيل فيها

لاكن الحين مشكلتي أني خايفه على أختى لاتكون جاتها صدمه نفسيه أو عصبيه ومأثره عليها الحين ابدا ماتبكي بل بالعكس كل دقيقه تجلس تحكينا عنه وعن أحلامهم وكأنه هالحين يدخل عليها
هي تقول خلاص مات وأنا راح الحقه وولدي كمان وكل الناس تبي تموت
والله تعبتني معاها وهو مو زوجي حاسه أني حنجن معلقه ملابسه وصورته في خلفية جوالها وميدالية الدولاب وكميرات الفيديو واللي صدمني أكثر شي اليوم ماسكه جوالها مكالمات صادره (جوال زوجها) مدري ايش أصلح معاها أتعبتني مالي تفكير غير فيها حتى الفرح مقدر أفرح بشئ
للمعلوميه عمرها24 سنه تحرقني لما تقولي (والله محد عيد مثلي أنا وولدي)وكلمتها(أنا صغيره وولدي صغير)
ممكن كتبت هالموضوع من قبل لاكن لحاجتي للمساعده أعدت كتابة الموضوع

أرجوكم ساعدوني ولو بدعوه في ظهر الغيب