عليك بالدعاء والصلاة آخر ساعات الليل قبل الفجر..........والله يصلح لك زوجك اللهم آمين

بسم الله الرحمن الرحيم ...
خواتي العزيزات جزاكم الله الف خير والله يسعدكم وين ماكنتوا والله انكم خففتوا علي شوي من الالم
وعزيزتي خفوق تتوقعين اني مافكرت بهذا الموضوع على العكس تماما انا فعلا انسانه عاقله جدا ولا اتسرع بقراراتي
والا كيف صبرت عليه بس خفت لما اتكلم معاه الحين احن له واضعف امامه ويتكبر علي زياده كاني انا الللي ميته عشان ارجعله وبالتالي نرجع نعيد الماضي الاليم كذلك اخاف انه يأثر علي وخاصه اني حامل واكيد راح استسلم
فعلا انا تعبانه من التفكير يوميا افكر بوضعي الحالي وخاصه انه ما اتصل علي من 3شهور ولا اعرف عنه اي شي وحالة الصمت هذي منه ومن اهله تاعبني الله يستر كأنهم مخبين لي شي ؟؟؟ وما اعرف كيف اتصرف؟؟؟
وجزاكم الله عني الف خير :24:

حتى لو مخبيلك شيء هو واهلك وعسى ان تكرهو شيئا وهو خيرا لكم
انت ادعي الله انه يوفقك في حياتك ويرشد الى الطريق السليم انت حتى لو رجعتي اذا استمر مايكلم وذليتي نفسك له ورجعتي راح يذلك اكثر واكثر وصدقيني اذا هذا الانسان اعترف انه اهله مجبرينه على هذا الشيء فراح يكره هذا الشيء اكثر واكثر وحتى لو ماقصرتي معه لاتفكرين ولا شيء وفكري بالي في بطنك ولا تنزلين دمعه وحده على واحد مايستاهلك ظفرك اذا كان له 3 اشهر ماكلم لازم اخوك اوقريب لكم يكلمه مو انت طبعا لا لكن على الاقل تعرفين وش الاخبار وماتقعدين كذا على نار لان تفكريك هذا مو زين على الي في بطنك
الله يسامح الزوج لانه مافكر حتى يسال عن اخبار الي في بطنك وما حاول انه يجيك ولا يطيب خاطرك النذل
عاد انت متحمله الي في بطنك اتحملين فوق طاقتك لكن بعض الرجال هذا تفكيرهم وعلى فكره الوظيفه امسكي فيها برجولك واسنانك لانها هي الي بتنفعك وتعيشك واتخليك مانتي محتاجه احد ولا حتى خشته الله لايوفقه
وهذا انسان متكبر لانه درس براء
تذكرت بالجريده سالفة واحد من جد سخيف ووقح هذا الانسان اعتقد كانت معه شهادة الدكتوراه كان دارس دراسات عولياء وكان مثقف اخذ وحده مامعها الا الثانويه ومن قريباته المهم انه سالها عن عالم اجنبي البنت مسكينه وش عرفها انا معرفته وشلون هي وش سوا عاد هو يوم قالت له ما اعرف اسم العالم طلقها بالثلاث الحيوان وهذا اقل وصف يقال عنه لانه متعلم ودارس برا يشوف نفسه على بنت الناس وخير ياطير اذا انت شاطر بالثقافه وبافكر الغربي هي شاطره باخلاقها العاليه وصبرها على تكبرك ودلعك وعجرفتك التي ليس لها اي داعي
00000000000000
لكن عليك بالصبر و الدعاء في كل وقت
وان اخوانك او واحد من اقرباكم يسال عنه الي يجيهم دايما علشان مايحسون
00000000000000
والله يصبرك بس الوظيفه ابد لاتتركينها ممهما تكون المشكله كبيره او صغيره لانها هي الوحيده الي ماتتعوظ
والله يسهل امرك ويرزقك بالذريه الصالحه :26:

شكرا جزيلا يا شمس الحب1
وجزاك الله خيرا على كلامك اللي يقويني وفعلا انا محتاجه لكلماتكم
لانها هي اللي تقويني وتصبرني على بلوتي
والله يرزقهم الصحه والعافية والابتسامه الدايمه:27:

الله يعينك ويهون عليك انا من رايي تصبرين يمكن الطفل يغيره بس لازم تخلين ابوك او اخوك يوقفونه عن حده عشان مايتمادا ويعرف ان وراك ظهر وانتظريه لين يجي من نفسه ويعتذر وصدقيني اول مايعرف انك ولدتي بالسلامه راح يرفرف قلبه من الفرح ويطيرعليك وعلى المولود وينسى كل شي بس انتي لاتفوتين الموضوع ولاتتنازلين مره ثانيه بالساهل علشان مايعيده والله يوفقك