ارجوكم ساعدوني اطلب الطلاق ولا لا ارجووكم افيدوني

السلام عليكم هذه اول مرة اكتب مشكلتي بس لاني تعبت ومحتاجة حد يساعدني ويهديني لطريق الصواب انا متزوجة من رجل مشهور مزوجتنه من سنتين ونصف تقريبا وهو لم يكن مشهور ولكن فتحهها الله عليه بعد الزواج الحمالله وشغله يطلب يتكلم تلفونات ويرد ع الناس والمشكلة ان يتصلون فيه حريم وكل وحدة اوسخ من الثانية وتبعتله مسجات وسخة هو مايرد بس يعني الانسان مو صخر وانا تعبانة من هالوضع ودووم ببيتنا مشاكل ومراة توصل للطلاق والحين هو يخبي عنني كل شي حتى تلفوناته ودووم الحريم ييبلنه هدايا بس هو ما يقلي انا مراة اكتشف شي ياي من وحدة يكون ناسينه بالسيارة وكل يوم الحين صار تقريبا في مشاكل وانا اكيد هو تعبنا لان الحريم ما يتركنه بحاله وانا ما اقدر اسكت ويوم اروح عند اهلي يقلي ان كل شي بتغير ويترجاني ارجع ويقلي بكسر التلفون ولما ارجع ما يغير شي والحين المشكلة ان عنا مشاكل بالحمل ومنه السبب ونوينا نعمل اطفال انابيب طبعا بعد ما ترجيته ولما شافني تعبت وااايد من الموضوع وافق والحين انا ماشية بالعلاج واخذت الابر وما بقالي شي والمشكلة ان حلف اني اكون طالق بالثلاث اذا سوينا عملية انابيب والسبب صارت مشكلة بسبب هالحريم وهو دايما بس يصير اي شي يهددني ان ما بيعمل انابيب وسألنا شيخ قالللنا اني اعتبر طالق لو اعملناها والحين انا افكر اطلب الطلاق واروح عند اهلي لاني تعبت من كل شي ما بتركه عسب لولاد لا لاني انا كان عندي امل يتغير كل شي بالأولاد لاني تعبت من الوحدة والغيرة والشك وهو دايما طالع ويقلي شفلي ولما اسأله عن اي شي يقلي ما خصج لا تدخلين هاذا شغل والمشكلة ان كل الناس يحسدون اني اخذته واا واايد تعيباانة وما ادري شو اسوي الحين اطلب الطلاق وارتاح ولا شو اسوي ارجووكم ساعدوني لان ما اقدر اعرض مشكلتي ع حد يعرفني ارجووكب ساعدووني