ارجوكم ساعدوني اني اتغير الله يخليكم

السلام عليكم
كيفكم بنااات
انا راح ادخل في الموضوع بصراحه انا ابغى اتغير ابغى اصير اثنى بمعنى الكلمه في كلامي وتصرفاتي
لاني بصراحه لما اتعامل مع اهلي اتعامل معهم بعفاشه كاني رجال احب اضارب معهم حتى دلع ما احبه كل ما اشوف وحده مدلعه تفقع مرارتي مدري ليش ما احب دلع ماسخ انا جميع الدلع ما اعرفه حتى لما اطلب شي من ابويا اطلبها بعفاشه بدون اي دلع حتى مرره عمي قلي ناس تدلع على اهلهم بكلام حلو بانها تلصق فيه لين ما يجيب شي اللى تبغاه بس انا ما اعرف حتى لما اتكلم في تلفون يقلون هدي يابو شباب :44:
من جد شي يقهر ويحطم بالقوه حتى في نفسي ما ادلع يعنى ما ادلع بشرتي شعري بالاصح مهمله بالقوه بس اذا فيه مناسبه اتزبط حتى الكل يستغرب مني بس الايام العاديه مهمله كسلانه في نفسي مررره وحده حتى بشرتي بالمررره نااشفه ومااعرف اش اسوي
والله يابنات مني عارفه اش اسوي كل ما اقول بكره راح ابدى اعتني بشكلي وتصرفاتي اتكاسل وما اسوي شي
بصراحه يابنات اليوم شكيت حالي لكم ابغى منكم تساعدوني اني اتغير واني كمان انظم وقتي لان حياتي كلها سبهللها ابغاكم تساعدوني في عنايتي لبشرتي وشعري

معليش اذا كلامي كله ملخبط والله من القهر اللى انا فيه
الله يخليكم لا تبخلون عليا في مساعدتكم لي
:44: