ارجوكم ساعدوني ...حماي بيتزوج؟؟؟

اكيد بتستغربون من الموضوع لكن هذا هو صلب الموضوع..

راح اقولكم السالفه وانتوا الحكم...

زوجي الحمدلله انسان ملتزم جدا...والحمدلله انا مرتاحه معاه..ودائما ينصحني وينصح اهلي..
بالرغم من اني مستوره الحمدلله لكنه دائما ينتقد لبسي للعبايه..كل شوي يقولي ارفعي العبايه سكريها زين ...احس اني اتعب من كثرة انتقاداته...وغير كذا دائما يعيب لبس خواتي لعباية الكتف وانا معاه..وحاولت انصحهم...
الزبده..انا من النوع اللي البس لبس غالي لكن مش مره يعني مستوى ماركة زارا ونكست وميس سلفريدج..
اكن يوم تزوجت لقيت انتقادات من خواته ..لاتلبسين هذا واشتري من المحل الفلاني تراه رخيص وجمعوا فلوسكمم..وووووووووووووو...
يعني حسيت انهم مايبوني اخسر اخوهم ومايبوني البس احسن منهم..


المهم انا كنت انقهر لان زوجي يتاثر بكلامهم..واقوله انت ماعليك قاصر وملزوم انك تعيشني نفس مستوى عيشتي..


الزبده ...حماي الحين بيتزوج...ومين بيتزوج...وحده تلبس كتف وتتلثم..وفري مرررررررررررره وراعية ماركات...وخوات زوجي فرحانين مرررررررررررره فيها..بقولون هذي كشخه وجميله...يعني مافكروا باخلاقها...واللي قاهرني ليه يبون وحده تلبس ماركات لكن لما يتزوجها اخوهم يبونها تشتري رخيص..
وغير كذا انا الحمدلله الكل يقول عن جميله الا هم...والحين هي عندهم قمة في الجمال وانا ماعمرهم مدحوني..يعني انا بالنسبه لهم ولاشي..

بصراحه انا اغتضت...لاتتوقعون اني غيرانه لا والله...بس انا مقهوره والسبب خوات زوجي هم السبب الله يسامحهم..
ليه يقللون ثقتي بنفسي..والحين بنت الناس عندهم شي مااقدر اوصل لمستواه...
ليه خربوا زوجي علي ...بصراحه انا متضايقه مره ارجوكم ساعدوني..

نسيت اقولكم شي..زوجي مش مهتم وعنده عادي جدا انه ياخذها...ولاتكلم عنها مع انه دائما ينتقد بنات الناس..وحماي الكبير مش ملتزوم ومش راضي عن زواج حماي الصغير...
لكن زوجي الملتزم المثقف ماتكلم وهو اللي بيخطبها لخوه...وش رايكم مش قهر

ارجوكم تفهموني صح وتساعدوني..وانا واثقه برايكم ومحتاجتكم بقوه...ارجوكم