ارجوكم ساعدوني راح يجيني انهار عصبي

ما اعرف من فين ابدا حياتي كانت كلها تعيسه لما كنت بنت وحتى لما تزوجت صرت اتعس زوجه على الوجود انا ماعندي شهادات تخرجت من الثانويه وتزوجت على طول من انسان ما يعرف للمراه اي قيمه غير انها خادمة له ومربية عياله مالي اية حقوق عنده يعاملني اخس من الشغاله وما يناديني غير باسوء الالقاب قدام الاولاد عندي بنت عمرها 4سنين وحده 3 ونص والصغير سنه يسبني لاتفه الاسباب ويشتمني واذا طلبت منه طلب صغير قيم الدنيا وما قعدها واذ كان معصب مره قام وضربني قدام عيالي وبالموجود اخرها كان بحزام البنطلون و ممنوع نطلع او نطلب الطلعه برا البيت الااذا هو جاي على باله يطلعنا احيانا يمضي شهر ما نطلع غير مره ولا مرتين وممنوع اروح الجيران او اجيبهم البيت ممنوع اروح لاهلي بحجة اني لما اروح لعندهم اني انسى الدنيا وانسا عيالي كل زميلاتي طفشهم ما باقيلي غير وحده والله يستر ما يطفشها حتى مصروف مافي اذا بيعطيني ريال لازم يستفسر وين راح وايش اشتريت ويعملي تحقق لما اشتري لنفسي شي وهو على نفسه ما يقصر ما يشتري الامن الغالي وماركات يطلع عيني لما يشتري لبس ولا مكياج وكل ما شافني مقصره بشي يقعد يذلني بانه تزوجني جاهله ومااشتغل علشان اقعد اربي له عياله واشوف طلباته هومعاه دكتوراه في الكيميا فارق المستوى التعليمي عاملي عقده وهو ما يقصر كل ما صار مناسبه ولا من غير يذكرني انه هو ايش وانا ايش وان لازم احمد ربي انه معيشمني عنده وبيصرف عني كانه لاممني من الشارع والحين صار كل خميس يطلع من الساعه 8 باليل وما يرجع لل1 ويوم الجمعه يصلي الجمعه كمان ويروح ما نتكلم مع بعض ابد الااذ هو بيطلب شي مني بس المشكله انه ما عندي ظهر استند عليه يساعدني الوالد كبير في السن واخواني صغار اكبرهم 20 سنه اخاف يتزوج علي اخاف يتعقد الاولاد واخاف البيت ينهار انا تزوجت لاقي قلب حنون لاجد من يحبني ويهتم فيني اناوحيده و روحي بتطلع حاسه نفسي قاعده بسجن اعصاب تعبانه ونفسيتي زفت دايما ابكي.......... دايم سرحانه اخاف يجي يوم انهار او يصير معي اكتئاب الله يخليكم ساعدوني ابوس رجولكم لاتتركوني