ارجوكم ساعدوني فــ أنا محتاره بالأختيار ؟؟

بنات ابدخل بالموضوع على طول
عندي بنت وعمرها سنتين وكنت استعمل حبوب اسمها مارفيلون ..
وانا بصراحه قبل ثلاث شهور جاني الم في صدري(الثديين) فجئه !!
المهم خفت وتضايقت تعرفون الواحد يخطر على باله اشياء كثير لمى يمرض
المهم رحت الدكتوره واخت مني تحاليل دم وكشفت على صدري وقالت الحمدلله مافيه شيء
وجلست 3ايام انتظر التحاليل وانا ميته من الخوف والله العظيم ,,
المهم لما جيت واخذت التحاليل طمنتني وقالت الحمدلله الهرمون كويس ومافيك شيء كل شيء طبيعي ولافيه حمل,, طبعاَ انا اكل حبوب ,,
فقلت لها وش رايك هل هو من الحبوب قالت لا ماأتوقع لأن الحبوب 99%من الناس يستعملونهن وحتى بعد مايتركونها يجلسون فتره بسيطه ويحملون فماأتوقع انها من الحبوب وقالت لي تبين نصيحتي اتركيها هالشهر من بعد متجيك الدوره خلاص لاتستعملينهن وجربي وجربت واحس اني الحمدلله احسن يمكن هالشيء نفسياً لأني كنت خايفه مادري ""لان التحاليل مافيه اي شيء """ !!!
وجربت مع زوجي طريقة العزل "انه يقذف برى الرحم "وارتحت الحمدلله
وصارلي اللحين 3شهور على هالطريقه يعني من شهر 2 بالعربي .. وبــ هالشهر خمسه كملت بنتي سنتين الله يخليها لي وكنت ناويه بمشيئة الله احمل بــ هالشهر الجاي اواللي بعده وكل شيء طبعاًبمشيئة الله ,, المهم وانا عند اهلي كلمني زوجي وخبرني ان تم قبول بالدراسه خارج المملكه طبعاً يعني مبدئياً بس لسى باقي مراسلة الجامعات ووقت اللي فيه قبوله هناك والفيزه والحوسه ذي كلها ,,
المهم انا فكرت بأني ااخر الحمل حالياً إلين تأضح الأمور ونشوف وش حنا عليه ان وزوجي وبعد مايبين كل شيء ان شاء اشوف ,, وابغى اللحين اكل حبوب منع الحمل وش رايكم بأخف شيء من الحبوب يعني ماتكون قويه ولا رايكم استعمل اللي قبل نفسهن؟؟ او اخذ اخف شوي؟؟ مع العلم اني مرتاحه عليهم وبصراحه زوجي مل من العزل وانا مليت من هالطريقه احس بالتوتر عند الجماع والخوف..

انا عارفه انكم بتقولون هذرتي واجد واتعبت عيونكم من النظر بس والله محتاره وش اخذ من الحبوب وانتم كل وحده تعطيني رايه بصراحه واتمنى من كل وحده تكتبلي تكون عارفه ومجربه والله يجزئ كل عين تقرهالموضوع خيروشكراً..