اختي الي صار صارمابي الومج
اختي حاولي معاه ابجي جدامه دزيله مسج و كتبي في كلمات الاسف و الحسرة لان المسج اكيد راح يقراه
دقي عليه كل يوم
وطمننا ......

معقوله في رجل بهالطريقه

اقولج والله بايدي جان خذته ههههههههه ودي بانسان مثله بصراحه انسان بالنسبة للرياييل قمه في الاخلاق الله يحفظه لاهله

ويارب العالمين ترجعون تتكلمون مع بعض وينزاح الحواجز ما بينكم
يارب تصافى القلوب وتصير احسن من قبل

سبحان الله اختي كلنا نغلط (جل من لا يسهوا) سبحان الله
ادعي ربك هو على كل شي قدير انه يقدر يسامحج وترجعون احسن من قبل ياقادر ياكريم

لا اله الا انت سبحانك اني كنت من الظالمين

بس صدق شلي خلاج تقولين له هالكلام
يالله كل انسان عذره معاه والله يصفي القلوب يارب

طبعا اللي صار صار، ما في مجال للوم والعتاب الحين

واضح ان ولد أخوج حساس وعاطفي، عشان جذي مب سهل ان ينسى اللي صار

مثل ما اقترحت وحده من البنات، لا تكلمينه جدام أحد
حاولي تكونين معاه بروحكم وكلميه .. بيني له ندمج الشديد وابكي جدامه... فهميه انه قطعه منج وانج لا يمكن تتقبلين أو ترضين ان يطول الزعل أو انكم تقطعون بعض لو مهما كانت الاسباب..

الله يوفقج ان شاءالله، ويرزقه ببنت الحلال اللي تعوضه عن كل شي وتكون له الام والابو

شوفي ياالغالية

بالرغم من اني غالبا احاول اداري غضبي

لكن عجزت اداريه هالمرة ..

فضله عليك اكبر من فضلك عليه

وإن شاء الله الآن تكونين أدركتي أن تربية أبوك له واجب مو فضل ولا هو صدقة

إذا كان لك فضل في كونك عمته فهذا من الله مو منك

لكن هو اختار يعطيك قطعة من لحمه من غير منه وخمس شهور ماحكى فيها

هو الي اختار يساعدك ويساندك في زواجك وقبل زواجك

هو صاحب الفضل والمنة عليك ..

إذا كان فيه أحد يحتاج ينسإل عنه فهو هو

إذا فيه أحد يحتاج يداريه فهو هو

باختصار غلطتي ولازم تدفعين ثمن غلطتك

أتمنى غرورك مايخليك تغلطين ثانية وتقولين يكفي تأسفت منه واعتذرت ولا عذرني

مهما أعرض خليك وراه واسألي عنه لو الدهر كله

كلامك مو سهل وواضح انه مجروح زيادة على جرحه

ضربتي على وتر حساس ..
وأثرتي في نفسه شجون ولهذا السبب الأمر صعب عليه

ووضعك معاه صدقيني راح ينحل لكن مع مرور الوقت

ولد اخوك مو محتاج فقط لأسفك
محتاج تعاون كبير منكم انت واهلك حتى تنتشلونه من وضعه
حتى تخلونه يحكي ويتكلم عن الي في نفسه

خلي اخوانك يحكون له عن ابوه عن ذكرياتهم معه
حتى يطلع الي في نفسه ويعرف عن ابوه اكثر

بعض الأهالي من باب الحرص على ولدهم يتجنبون يجيبون طاري أبوه أو أمه المتوفين

وهذا غلط ..

لأنهم يتعودون ويكبرون على أن هالمنطقة محظورة
وهم محتاجين أنك تتكلمين وتخلينهم يتكلمون عن هالعزيز
حتى يحسون بالتواصل .. وحتى تروين البذرة والصورة الي في قلوبهم تجاه من يحبون
وحتى يتعودون يعبرون عن مشاعرهم بشكل طبيعي وعادي

والكلام في هذا الجانب يطول ولا ادري هل اهلك بذلوا مجهود معه حتى يطلعونه من صمته ؟؟

***

ثم سؤال ثاني هل عرضتوا عليه الزواج ؟؟

إذا ولد اخوك من النوع الي يحب انك تسألين عنه ويحب أحد يراعيه ترى الزواج يفيده كثييير

شوفي لك وحدة من الي تعرفينهم زين

أهم شئ تكون من النوع الي اهتمامها يكون لبيتها

من نوع النساء الحنون والي تلقينها مهتمة بالي حوالينها

هذي هي النوعية الي يفضلها الشخص العاطفي أو الي مروا بأزمات في حياتهم

الله يعينه ويعينك

آآآآآآآآآآآآآآآآآآآآآآآآآآآآآه ..

الحــــــــــــــــــــــــــــــزن ..

إحساس قااااااااااااااتل صاااااااااامت ..


فكيف إذا اجتمع مع فقد أغلى الناس و هما الوالدين ؟؟


عزيزتي ..

كلماتك أصابت مني مقتلاً ..

لم أستطع أن أسدل أجفاني كي أمنع سيل الدموع ..

شعرت بإحساس ابن أخيك ..

ما ذنبه ؟؟

ما ذنبه أن عاش يتيماً ؟؟

برأيكِ أنه لو خيّر في الحياة .. هل سيختار حياته هذه ؟؟؟

لااااااااااااااااااا أظن ذلك ..

و لكن لا اعتراااااااااااض على قضاء الله ..

الحمدلله على كل حال ..

لن أكتب لكِ الآن أنك قسوتِ عليه .. فقد حصل ما حصل ..

و لكن

كلما أريده هو أن تتحملي نتائج تصرفك المـــــرّ ..

اذهبي إليه

اشرحي له مقدار ألمك و معاناتك على فعلتك ..

اطلبي منه السمااااااااااح ..

لا تستعجلي النتيجة ..

فأنتِ غالية عليه

و الخطأ من الأحباب وقعه أشد ألماً ..

و يحتاج لفترة حتى يزول ..

و لكن حاولي معه

لا تيأسي

انتزعيه مما هو فيه ..

تقولين أنك تسمعين صوت بكائه أحياناً ؟؟؟؟؟؟؟؟

آآآآآآآآآآآآآآآآآآآآآآآه

أيّ حزنٍ هذا الذي يعيشه ابن أخيك ..

و الله و الله لو كنت مكانك لما استطعت أن أغفو ليلة واحدة ..

فما بالك بمرور خمسة أشهر ..؟؟؟

لقد استشفيت من حديثك أنه يحمل من النقاء الصفاء و الخلق الحسن

ما يجعلك كفيلة بأن تردي له هذا الجميل ..

كيف و هو من استرخص لأجلك عضواً هاماً في جسده

و أبى أن يخبرك أحد بذلك ؟؟؟

يااااااااااااااا إلهي ..

لا أعلم كيف قسوتِ عليه ..

لكن الشيطان يقوى على الإنسان في بعض أحيانه ..

أختي استغفري ربك من ظلمكِ لابن أخيك بكلماتك التي رميتيها سهاماً عليه ..

و الله غفور رحيم ..

تذكري أنه ما دام فيك ضمير يقظ فأنت لا زلت بخير ..

و كتابة لمشكلتك هذه دليل على يقظة ضميرك

و رغبتك في تصحيح ما فعلتيه ..

استمري في محاولاتك

و لا أظنه سيصد عنك ان رأى الصدق الواضح ينبع من قلبك ..



أخيراً ..

حينما قرأت مشكلتك

لمعت في ذهني أبياتٌ و كأنها على لسان ابن أخيك :

غبيه يالقلوب اللي تبي في ضيقها إنسان

............................... إذا الإنسان في حزة رخاه.. يخون محبوبه


أدوّر بالنقا روحي ولا ألقى سوى الخذلان

............................... واسّحب حافي رجولي على الأشواك مغصوبه


نعم .. ياااااما انظلمت .. ودعوتي ما عنــّـها بيبان

............................... ولكني تسامحت و جرعت الظلم من كوبه


وش ارجي من ورا دنيا مشى فيها نبي ..وانهان؟

............................... رفعت الرايه البيضا على ذا الوقت وحروبه


انا ما جيت للدنيا رجا مخلوق ايًّا كان

............................... ولا يوم ٍ بقول لطيبتي .. ياطيبتي توبه


ولاني بأنتخي دنيا ً دنيـّه في زمن خوّان

............................... مدام ان الله العالي حفظ للحــــــق مسلوبه


أبهرب من عبير الورد واترك عطرها الذبلان

............................... عجزت اهرب من اْهروب ٍ ... هروبه يلحق هروبه ؟!


حبيبي يا إلـــــهي .. أشتكي لك قلبي الشفقان

............................... وذولا كاتبـَينه وانت تدري ويــش قالوا به


سألتك رحمة ٍ تقبض جروح الروح يا رحمان

............................... ومتعة شوفتك غاية مُـنى الخافق ْومطلوبه


على الدنيا السلام إن كانها ما عمـِّرت بايمان

............................... سلامي واعذروني لو رحيلي قصـَّر اسلوبه