ارجوكم ساعدوني في حيااء زوجي مشكلتي طويله الله يجزيكم الجنه

الأسرة والمجتمع

السلام عليكم ورحمة الله وبركاته\\

انا تشجعت اكتب موضوعي بعد ماشفت انه في تجاوب حلو من البنات جزاهم الله خير

مشكلتي هي زووجي
انا عمري 24 وزوجي عمره 30 وتوني من اربع شهور متزوجه

طبعا فتره الخطبه كان يعشقني عشق مو طبيعي وكنت مبسوطه من هالشي مع اني كنت مسويه نفسي ثقيله مو كثير شوي وكان يقول لي احلى كلام ويكتب لي احلى المسجات وكنت احس انه جريء كثير..

وانا صراحه فترة الملكه ماكنت احبه كثير يعني كان عادي وقبل الزواج بشهر حبيته وبعد الزواج حبيته اكثر وفي شهر العسل عشت معاه ايام مستحيل انساها وبعدين وكان قبل الزواج يقول مستحيل اخليج تندمين انج خذتيني بقعد طول الوقت مقابلج لين تقولين روح عني مليت منك وانا في قلبي كنت اقول الله يعيني عليه وبعد مارجعنا من شهر العسل كان اوكي بس لاحظت اني لما البس واكشخ مايعلق ولا يقول كلمه حلوة رغم انه فتره الخطوبه بعد مايطلع من عندي يرسل مسج ويمدح فيني وبكشختي المهم كنت لما البس واكشخ اسمع احلى كلام من امه وخواته وهو للاسف ماتطلع منه كلمه وانا وايد تضايقت من هالشي ولما واجهته قال لي ماتوقعت اني بكون كذا معاج وبستحي وكل هذا من كثر مااحبج انتي صيري جريئه عشان انا اتجرا والله يابنات اني البس واكشخ يشوفني عادي ويطلع من الغرفه ويرسل لي مسج ويقول لي ماشالله عليج تهبلين واذا كنت انا وياها قاعدين بالغرفه يستحي يلمسني اما اذا دخل وانا نايمه يتم يبوسني ويحضني ويتم يقول وانا نايمه فديت قلبج وروحج طبعا انا امثل اني نايمه ولما يطلع انقهر ليش مايقول لي هالكلام وانا صاحيه مع اني كثير ابادر بهالشي والله انا احبه واموت فيه وهو بعد بس طريقته احس زهقتني ولما اقرا رسايله في فتره الخطوبه ابكي هو ليش كذا وطبعا هو مدمن لعب بالنت وفي لعبه جديدة صار مايقارقها طول الوقت قاعد ويلعب وانا متضايقه من هالشي حظرت دوره وسويت اللي تعلمته فيها هو تغير شوي بس صرت احيان احس ان اللعبه صارت رقم واحد في حياته واحيان اذكره واقوله تذكر اشكنت تقولي قبل واشلون انت الحين يوقل والله بتغير وبرد مثل قبل يرد كم يوم بعدين يرجع للعبه انا الحين في بيت اهلي واحسه رد مثل ايام الخطبه تقريبا اتمنى لو يرد اسلوبه مثل قبل ويترك عنه الحيااا لاني جد تعبت اذا يبي يمدح ولا يوقل كلام حلو يكتبه في مسج حتة لو كنا احنا الاثنيين في البيت والله احس بنفجر عمري ماشفت واحد يستحي كذا مع انه ترة الخطوبه ماحسسني بهالشي


اول كنت احس اني اهم واغلى شي في حياته والله كان يحسسني اني كنز عشمني وطيرني فوووق والحين احسه يحبني بس ماصار يحسسني بهالشي ولما اقوله انا احبك اكثر مما انت تحبني يقوول اتحداج انتي ماتعرفين انتي شنو بالنسبه لي قولوا لي وش يفيد هالكلام اذا انا ماحسيت فيه والله دايم اقوله ارجع ذاك الرجال اللي عرفته في البدايه
ساعدوني تكفون
في شي نسيت اقوله لكم هو لما البس واكشخ له مايعلق الا احيانا وياليت قدامي يرسل لي مسج اما اذا حس اني متنت شوي يتم يوقل متني ومابي جسمج يخترب انقهر والله من قلب يعني الشي الحلو يعديه والشي اللي مو حلو يركز عليه اشريكم بهالرجال
16
46K

يلزم عليك تسجيل الدخول أولًا لكتابة تعليق.

تسجيل دخول

pink fo0ofo0o
pink fo0ofo0o
هونيها وتهون أنتي توك متزوجة بدري على الزعل والحياة الزوجية يبيلها صبر على مواقف أكبر من كذا بكثير

الحمدلله دامه يحبك ومع الوقت شوي شوي كل شي يصير

أذا ماعبرلك بكلمة حلوة دققي على تعبيرة من خلال نضراته أو تعاملة

الله يسخركم لبعض
**ام عبد العزيز**
يااااااااااااا
قلبي
مشكلتك صعبة وما لها حل ابداااااااااا
ابدااااااااااااااا
لا تدورين عن حل
ويبغى لك منظمة تساعدك على زوجك





واهم شي إنك لازم

تتفانين وقت العلاج هههههههههههه

هههه
ههههههه
هه
ياعمري والله إني حبيتك
مشكلتك ياعيوني صغيرونه بالحيل
والله بتجي ايام تقولين وين هذا الحياء لو ينباع بالسوق لشتريتة

حبيتك وبدعي لك من قلبي
الله يوفق صمت لما تحبة وترضاة
بس على فكرة إنتي اسمك صمت شلون تبينة هو يتكلم
شهد3000
شهد3000
حبيبتي انتي في نعمة ... احمدي ربك



الله يوفقج..
Bnt Sudeer
Bnt Sudeer
انتي مكبرة الموضوع وعادي لأنكم لسا جديدين على بعض

ترى الرجال اول ما يتزوج يطير بزوجته شهر بعدين خلاااااااص يتعود عليها



ولاعاد يقولها كلام ولا شي , فانتي مثلا اطلبي منه انك تروجين تنامي عند اهلك يومين

غيري جو ومنها ترجعين تلاقينه مشتاق لك وبعدين انتي بادري مثلا اذا جيتي قولي مشتاقه لك

واجلسي في حضنه والله بيفرح ,

بعدين يمكن احد قاله من اصدقاءه خلك ثقل ومن هالكلام ترى الرجال يتاثر بكلامهم

وفي الاخير ترى مشكلتك سهله بس انتي اصبري
صمت الملامح
صمت الملامح
يااااااااااااا قلبي مشكلتك صعبة وما لها حل ابداااااااااا ابدااااااااااااااا لا تدورين عن حل ويبغى لك منظمة تساعدك على زوجك واهم شي إنك لازم تتفانين وقت العلاج هههههههههههه هههه ههههههه هه ياعمري والله إني حبيتك مشكلتك ياعيوني صغيرونه بالحيل والله بتجي ايام تقولين وين هذا الحياء لو ينباع بالسوق لشتريتة حبيتك وبدعي لك من قلبي الله يوفق صمت لما تحبة وترضاة بس على فكرة إنتي اسمك صمت شلون تبينة هو يتكلم
يااااااااااااا قلبي مشكلتك صعبة وما لها حل ابداااااااااا ابدااااااااااااااا لا تدورين عن حل...
يازين ردج كان زين هو جريء مثلي انا اللي كنت طول الوقت ساكته فتره الملكه ومن حبي له صرت اسولف واتكلم