ارجوكم ساعدوني متهاوشه مع زوجي وهو حسسني انه بايعني رغم اني حامل.يارب الطف فيني>>قديم

السلام عليكم بنات
ويارب اسعد كل وحدة تدخل ترد علي وحقق لها كل اللي ببالها


انا يا بنات متزوجة من 6 شهور..
والحين حامل بالشهر الثاني.. الله يثبت جنيني ويحفظه..
والوحم تابعني مررررره ولاني قادره اكل ولا اتحرك بسببه
قال لي زوجي روحي ارتاحي عند اهلك هالفتره..
لانه خايف علي وعلى البيبي.. وفرحااااان مره بحملي..

رحت جلست عند اهلي.. لي الحين اسبوعين..
وزوجي كان بالايام الاولى يتصل مرتين يوميا حتى يتطمن علي..
بعدها صار يتعذر باشغاله ويتصل مره يوميا.. واحيانا مره كل يومين..
وقبل 5 ايام كلمني وانا كنت تعبااااااااانه موت ذاك اليوم..
قال كيفك وكيف احوالك.. بعدين قال ترى انا مسافر اخر الشهر برحلة عمل!!!
انا هنا تضايقت وقلت له بدلع: يعني ان غاب القط العب يا فار..
عصب بقوووووة وثار علي.. وانتي ماتقدرين عملي ومن هالكلام..
وقال لي اصلا مو المفروض اشاورك بعمل انا من حقي اروح واسافر الخ..
انا تعجبت من انقعاله هذا.. وقلت له تراني اتغلى عليك..
استمر معصب وقال انتي انانيه وماتفكرين بمصلحتي..
قلت له ترى انا تعبانه لا تغثني.. قال حسبي الله عليك وعلى اللي ببطنك!!
انا هنا انفعلت وقلت له انت ظالم منك لله بس..
هنا قفل الخط.. وانا وهو زعلانين..

مرت 5 ايام ولا اتصل ولا سأل عني ولا عن صحتي وانا مرميه ببيت اهلي..
وكل ما سألوني اهلي عنه قلت انه بخير بس مشغول هاليومين..
وجلست ارقع له وهو ما فكر يرفع السماعة..

اليوم الظهر ارسلت له مسج اشره عليه.. وقلت له اهون عليك ما تسأل عني؟ الخ
قام رد علي وقال انتي لازم تدفعين ثمن قولك عني ظالم.. يا انانية!!
انا هنا انقهرت بزيادة على صغر عقله وتطنيشه لي على شيء تافه..
وارسلت له الشرهه علي اللي مهتمه لك مليت من اسلوبك وحتى ولدك ابنزله من بطني الخ
رد علي سوي اللي يريحك وانا ابتفاهم مع اهلك..


انا مقهورة ومتضاااااايقه ولا ودي الامور توصل بينا الى هالحد..
افكر اتصل عليه بعد ما يطلع من الدوام واهدي الامور..
لاني متأكدة انه يحبني بس هو عنيد وعصبي.. وانا مثله..
وبكلمتين ادري انه بيرضى..
بس اتراجع واقول لا للحين يركب راسه ويحسب كذا اسلوب التعامل معي..

جد ما ادري وش اسوي..
ارجوكم ساعدووووووني