ارجوكم ساعدوني ولدي مجنني

السلام عليكم

شكرا لكم احتاجكم ولا تساعدوني000
00 اصلا تعودت علا كده لانو مو اول مره تنطشوني00

مرحبا اختي هتون
الاطفال مش كلهم زي بعض وابنك الله يحفظه باين عليه من النوع العنيد شوي بس اهم شئ لازم تصبري عليه لانك تاخرتي في تعليمه وهو تعود على الحفاض والمسالة راح تاخذ منك شوية وقت بس لا تياسي ولما يعملها على حاله عاقبيه ولما يروح الحمام اعطيه شئ يحبه كمكافأة له بس اهم شئ خليكي وراه وراه لحد ما يتعود ويمكن ياخذ منك شوية وقت اتحملي لانه في فترة 4 ايام قترة قصيرة يعني يمكن تاخذ منك المسالة 3 اسابيع او حتى شهر والله يعينك

حبيبتي hatoon

أنا والله حاسة فيك لأن إبني عمره 3 سنوات وعلمته في هذه العطلة
والله في البداية تعبت كثير لأن مو راضي وللأسف استعملت معاه العقاب والله على ما أقوله شهيد إني ندمانة على ذلك ، لأن بعد أسبوعين ضبط الأمر معه وإن أسلوب التشجيع هو الصح ولو عملها على نفسه صرت ما أضرب أو أوبخ ولكن أفهمه وبأسلوب الإقناع إن هذا خطأ وأحسسه إني زعلانة ومتضايقة ولكن من غير ما أجرح مشاعره والحمد لله الآن هو كويس ولكن عندي مشكلة البراز الله يكرمك ما زال مرة تصيب ومرة تخيب ، ولكن مقارنة في الأيام الماضية هو أفضل, نصيحة مني لا تنظري للأمر إن حالة عناد لأن المسكين ما يفهم لحتى يفكر يعاندك، ثانياً لما تاخذيه للحمام إتركيه لوحده ولا توقفين على راسه وتحسسينه بأنك متوترة فاتخوفينه، وثالثاً حبيبتي لا تنقلين لإبنك إحساسك بأنك تأخرت بتعليمه وتوترك من كلام الآخرين حيث يقولولك أأوووه لسه ما علمتيه ليييييه إتأخرتي وهكذا ترى الناس كلامهم وهرجهم كثير تلاقين الوحدة منهم علمت ولدها وهو فوق 4 سنوات وتجي تتشطر على غيرها وتجي الوحدة فينا تحس بأنها فاشلة وتأخرت بتعليم ولدها وبالتالي تحط حرتها بولدها المسكين وتقول بأنه يعاندني والنتيجة إنك بدل ما تعلمينو لحتى يعتمد على نفسه ، تعلمينو بكل أسف إن يفقد الثقة بنفسه وبالتالي عمره ماراح يتعلم
أختي أنا نصحتك حتى ما تخسري ولدك وتجعلي منه ولد معقد بسبب حاجة حايتعلمها صدقيني إن كان مو اليوم بكرة ، أعطيه الكثير من الحنان والحب ، هو حايعطيك الكثير وصدقيني بعد أسبوع أو إثنين حاتلاقيه من أحسن ما يكون:
دعواتي لك بالتوفيق ومبروك النجاح والتخرج، والله يخليلك وليدك ويحفظه لك وشوفينه يوم تخرجه من الجامعة وزواجه ، إن غداً لناظره قريب
:26:

الله يعينك يا هتون ..

ولدي 3 ونص وبدأت معاه وهو سنتين ونص وبهدلني وجاب لي انواع الجنان ..قمت وقفت ورجعت وهو 3 بدأت معا مشي تمام الين 4 شهور بعدها رجع يلخبط ويسوي افعال يشيب لها الراس..

المهم ..انت لاتعاقبيه ابدا يكفيه شكلك وانت قرفانة من اليي سواه ..بس اذا سواها في الحمام اعطيه نجمة والا حلاوة(اخاف تسوس اسنانه:))..المهم اذا راح الحمام كافئيه ..واذا ماراح بس يكفي ضيقتك منه.

كمان سوي استعداد نفسي انت وولدك ..ما ادري اذا فيه قصص اطفال عن دا الشي ..هنا موجودة كتير واشتريت لولدي منها حتى فيه شهادات تقدير للطفل اليي تعلم ..

ممكن تطبعي شي على الكمبيوتر زي جدول وحطي عليه صورته ولونيه ..وكل مرة يروح الحمام حطي في الجدول نجمة والكبيرة بنجمتين..والا جيبي نجوم اكبر لها..

وملي البيت بالمرح والتشجيع ..وكوني مستعدة للحدواث المقرفة و كل ماضايقك والا وسخ لك البيت تعالي اشكيلي ..لانه الكلام راح يخفف عنك ..

وشي اخير ترى ماتأخرتي ابدا اخت زوجي نصحتني ااخر ولدي الين 5 سنين من القرف اليي سواه في..

كمان حاولي تشيلي الحفايض في الليل كمان ..عشان تتفكي مررررة وحدة..

الله يصبرك .ويساعدك ..هيا شدي حليك وخلينا نفخر بيك..:)

السلام عليكم
شكرا مررره كتير على ردودكم اثلجتو صدري ومعليه اتا خرت عليكم في الرد كان النت عندي ملخبط0

دحين ليا اسبوع شايلاله الحفاضه اول يومين كان في الحمام ولامره في الارض وبعد كده صار لازم مره او مرتين في اليوم على نفسه والكبيره كمان على نفسو 0

واحلى شي انو بيقنعني اني البسو الحفاضه احسن ولما قلتلو لاخلاص انت كبير ومايسير ولازم تروح الحمام 0 صار يقنع في ابوه0

عارفين ايش المشكله انو كل مره ادخلو الحمام بمعركه هوا يقولي مافي وانا عارفه انو في والدليل لمن بادخلو بالقوه بيعملها وهو بيبكي ويقللي مافي00000 يعني كل دخلة حمام بعدها حيلي ينهد00

ومستحيل يقولي بنفسو انو عندو حمام الله يكرمكم لازم انا اسالو وادخلو بالقوه00

وبعدين حفاضة الليل شايله همها لانو يشرب بالعافيه قبل النوم مويه وحليب يعني يعبي بطنو مويات ولمن يصحا الحفاضه غرقانه 0

والصراحه انا الين المتوسط وانا اعملها على نفسي في النوم عشان كده شايله همها اكتر00

والله يبارك فيك ياام عزيز وعقبال ما تفرحي باولادك كمان