الزمرده الزرقاء : اشكرك من كل قلبي على ردج اللي هزني و نيتج الصافية لحل مشكلتي
انا واااايد حاولت اني اكلمه بس هو مو راضي يفهم و ما شاء الله اخوي مو ناقصة شي طول و عرض و وسامة الكل يقول هذا مو اخوج .. بس هو ما اختار الا... ((( الله يهديه)))
و بعدين انا اول ما كلمتها رسلت لها يمكن 100 صفحة تتكلم عن الاسلام بلغتها و هي .. ما ادري ما كلمتها بعد
و بعدين انا سألته سؤالج و قال
(((اصلا انا ما ابي عيال عشان ما انحط بهالموقف)))
و هو يبي يروح يجيبها بلدنا و يسكنها بيتنا يعني من غير زواج و بعد صار يهمل صلاته لأنه ما يبي يخسر الوقت اللي ممكن يكلمها
و اهلي يشجعونه و عيال عمي يبون يروحون وياه
شسوييييي؟؟ هذا قدري

كتبت لك رد وتعبت فيه لكن اختي راحت للسلك وفصلته عشان بتشبك لعبه لها :(


دامه قالك انا ما ابي عيال عشان مايصير بموقف معاهم مثل هذا معناه حاس ان اللي يسويه غلط لا تيئسين وادعي له بالهدايه والصلاح مافيه اي انسان بالدنيا مايبي العيال انا الحين بعمرك 17 اتمنى يكون عندي طفل بالمستقبل وأنتي أكيد نفس الشي كيف عاد برجال لان اللي ماعنده اطفال من الرجال يحس بنقص في رجولته ..


خوفيه من عيال عمك لانهم مستحيل يحبونه ويخافون على مصلحته مثلك ..


قولي له ممكن حبيبتك اللي بتجيبها هذي تطلع في يوم من الايام مع واحد من عيال عمك دامها مو مسلمه ماعندها رادع يردعها وش اللي يمنعها عادات ؟؟ ولا تقاليد ؟؟؟


قولي ممكن تسوي لك فضيحه تندم عليها طول عمرك ...


قارني بين الامريكيه وبين وحده تعرفينها زين وتوثقين فيها وفي اخلاقها وجميله وطلع لي اللي تعرفينها احسن من الامريكيه بمية مره وامدحيها كثييير يمكن يتغير رأيه ويوافق ويتزوج هذي بدال الامريكيه ..


انتي كلميه بالهداوه وبطوول البال وحاولي معاه ماتدرين يمكن يهون على آخر اللحظات ..

امدحي له وحده رقيها للسماء وانها بنت بلدك وعارفتك وعارفه ربك وتعرف طباعك ووش الشي اللي يعجبك واللي مايعجبك وتكون حشيم وتعرف الصح من العيب ..


خوفيه من فضايح الامريكيه انها ماراح تكون زوجه له يعني مستحيل ينوثق فيها لازم يكون عندها صديق غير العشيق اذا طفشت من هذا راحت لهذا ..


قولي له ممكن بكره تدخل رجال البيت علي ولا على أمي تحسب انها بتسوي لنا خير ..


ولا تدخلهم وحنا مو موجودين وتروح سمعتي انا وأمي عشانها ؟؟


وحتى لو طلعت لبيت لحالك بتدخلهم لبيتك وين سمعتك وهيبتك ورجولتك رجال داخلين طالعين على بيتك ؟؟


والصلاه قولي له وشلون تبي ربي يوفقك ويسهل امرك وانت بديت تقصر معاه ..


خليه يصلي الصلوات الخمس بالمسجد هو بينساها مع الصلاه واذا امتلى قلبه بالصلاة وذكر ربي بينساها لأن الله سبحانه قال : (الطيبون للطيبات والخبيثون للخبيثات)


اقنعيه بوحده من قرايبكم او صديقاتك وخليه يشووف الفرق بينها وبين الامريكيه ان هذي مسلمه تعرف ربي ومنك وفيك وان الامريكيه حتى بمعاملاتهم مع أطفالهم مو شي وهم أطفالهم قطعه منهم كيف عاد بمسلم وهم يحقدوون علينا ويكرهونا ؟؟


واهم شي الدعاء الدعاء لاتيئسين من رحمة الله دامك على صح :)

هلااااااااااا حبيبتي
اشكرج على متابعة موضوعي
انا ياما تكلمت وياه بس هو مو راضي يفهم و يقول احسن اخذها و اخذ ال (green card) وياها .. و كلمته عن صديقة عمري المسكينة .. كانت تبيه زمان و الكل كان يقول ان اخوي حقها بس لا حول و لا قوة الا بالله العلي العظيم .. هي ما شاء الله حلوة و الكل يشهد على جمالها و رشاقتها و اخلاقها و هم من نفس قبيلتنا و اهلها محترمين و هو يقول انها حلوة بس ما ادري شنو اللي عاجبه فيها .. تو مكلمني و يقول : حبيبتي تبيج تروحين وياي هناك لأنها حابتج
بالله عليكم هذا كلام؟؟

يا قلبي مالك الا الدعاااء كثري منه وبتضرع وخشوووووع ..

اختي كان الله في عونج..الحين هو في حالة الانبهار خليه لا يستعيل يعني قوليله يأخر السفر فتره لين ما يتأكد من المشاعر..وكل ما اجل كان احسن..مع الوقت بيخف الاندفاع وبيصير عقلاني وبعدين خوفيه من الايدز..