ارجوكم مابي افضفض لأحد من اهلي

السلام عليكم ورحمة الله
بنات انا ودي افضفض لأهلي
بس المشكله فيهم من يستغل هذا الالم الي فيني ويعايرني فيه


ماابغى افضفض لأي احد من اهلي احتمال الاقي
شماته وتعب نفسيه ومشاكل او مجاملات


انا ابغي الصراحه انا مااعرف احد فيكم ولا احد يعرفني يعني ماعتقد انكم راح اتجاملوني او تكتبون كلام عشان بس اتخففون علي فيه
اتوقع انكم بتصارحوني
ماراح اطول خذو القصه


طبعا هي قصتي انا وزوجي


زوجي منفصل عن زوجته وانا انفصلت عن زوجي
عمري 24
عمره 30
ماعنده عيال منها .. ولا عندي عيال من طليقي


وانا وزوجي
تونا متزوجين تقريبا لنا 8 شهور


انا وافقت عليه لانه طيب وخلوق وبار بوالديه
لدرجة انه يرفع امه وابوه على كتفه بسبب شللهم
هو الوحيد الي يساعد اخوانه كلهم
وهم اذا هو احتاج مساعده مافي احد يفتكر فيه
يصلي ويصوم ويخاف ربه خوف ويزكي ويقوم الليل
انسان الكل حاسدني عليه


اول 3 شهور من الزواج
عيشني ملكه وكان يعشقنييي
الود وده يحطني بعيونه


من بعد 3 شهور
بدأ يمزح مزح ثقيل يعني انه يلعني مثلا ويقول انا امزح
مرت الايام وجلس يتمادى
اتطور المزح الثقيل الى مشاكل حقيقيه
يعني اتغير علي فجأه اتحول الى شخص
ليل ونهار يسبني ويلعني ويهيني ويجرحني
ويحرجني قدام اهله ويدخلهم في مشاكلنا
يحاول يضحكهم علي
كم مره يقول روحي بيت ابوك
روحي بيت اهلك
لاحظت عليه ينفر مني .. ماياكل من صحن اكل منه واذا قلت له لاحظت عليك هالشي
يحاول ياكل وهو حايمه كبده
قاعد ينظر لي نظرات حقد وكراهيه واحتقار
اتخيلو صار في اليوم يتمشكل معاي 3 مشكلات ع الاقل
يعيب على شكلي
ويعلق وينتقد ويختلق المشاكل
كل شي مو عاجبه
طاري الانفصال سهل عنده ودايم في لسانه
يقولني كلام ماقلته
يبي علي الشاره
مافي شي ماسواه.. باقي بس يمد ايده علي


طبعا لما ابتعدت ورحت بيت اهلي لاحظت تغير فيه
حسيت ان نفع للمره الاولى وكان مشتاااااق لي واسلوبه ضبط


لكن للمره الثانيه لاحظت انه مو مهتم


احس اني مو قادره اقبل على الشقه
لو اروح الشقه ، احس باكتئاب وضيق
انا اتعودت ع البيت وقعدة البيت والفراغ


بس لاول مره حسيت ان انا مو قادره اقعد بشقتي
لاني اكون على اعصابي وخايفه يدخل بمشاكله


يصارخ علي ويخلي العالم كله يسمع


مااحس انه يحبني
مافي شي يدل على انه يحبني
انا تعذبت مع طليقي
وتعذبت في فترة طلاقي
ولقيت ان انا اتعذب مع زوجي الي احبه واموت فيه الحين
بس ابي اعرف وش علاجه
وهل هو يكرهني
نظراته وتصرفاته واي شي اسويه مو مبين
مبين انه كارهني
ودايما يقول انا متوهق فيك
وياليتني ماتزوجتك
ووووووو
ضحيت له بكل شي حتى مهري ساعدته فيه