ارجوكن اريد حلا لمشكلتي

بسم الله الرحمن الرحيم

هذه اول مشاركه لي معكن في هذا المنتدى المميز..............

كنت اتمنى ان لاتكون هذا اول موضوع اشارك به هنا...ولكن تاتي الرياح بما لاتشتهي السفن

مشكلتي اخواتي اني حديثة العهد بالزواج فلم يمضي على زواجي سوى شهرين واسبوعين تقريبا

المهم............

بصراحه بدأت اشك في زوجي بان له علاقه بالجنس الناعم...ادري بتقولون امداك تلاحضي؟

ايه امداني لان فترة عقد قراني كانت طويله (سنتين) وكنا طول هالفتره قريبين من بعض

وبصراحه معروف عني باني شديدة الملاحظه.....وانا حاسه ان زوجي مو مضبوط من الناحيه هذي

المشكله تتلخص فيما يلي..............

في يوم من الايام تليقفت وفتحت فاتورة جواله ادري بتقولون ملقوفه وانا اعترف بهاالشي

لان مو من عادتي ابدا افتش في اغراض غيري بس...ابليس حسبي الله عليه خلاني اسوي كذا

المهم لقيت رقم متكرر وبكثره لدرجة انها كانت اكثر من مكالماته لي

طبعا هذي الفاتوره حقت الشهرين اللي قبل زواجنا....والمشكله ان الرقم دولي

لوحده من دول الخليج اللي جنبنا على طول....والمصيبه والادهى من ذلك..

ان المكامات كانت توصل ل6مكالمات باليوم....اما الطامة الكبرى..

انها كانت توصل بعض المكالمات لساعه ونص.....

وزوجي قالي قبل فتره طويله ان عنده صديق ساكن هناك

ولما رحت انا واياه للدوله هذي دخلنا واحد من الاحياء هناك ووراني بيت وقال انه بيت خويه

طبعا انا ماقلتله اني فتحت الفاتوره بس حبيت اجس النبض زي مايقولون

فقلتله هذي فاتورة جوالك؟ قال ايه...قلت طيب اقدر اشوفها؟

حاول يغير الموضوع من هنا ومن هنا وانا وراه وراه...ليمن قالي لأ

طبعا زعلت وقلت ليه قال بتجلسين تسالين واجد وانا ماحب احد يسألني

وسويت زعل هذاك اليوم وبعدين مشي الحال...وبعدها باسبوع سألته وطلبت منه الصراحه

في انه قد عرف اي وحده من قبل؟وقلتله هذا ماضي يعني عادي قلي واكد لي بان مافيه

وانه يحبني انا من زمان....طبعا لان فيه قرابه بينا يعني يعرفني من يوم ماانولدت

وقبل كم يوم جت الفاتوره الثانيه...وزوجي طبعا مزقها وخلاها على جنب طبعا انا قلقت

وبدى الفار يلعب بعبي...اش السالفه؟ خاف لافتحها ولا خاف اني اطلب اشوفها

المهم صباح اليوم الثاني راح الدوام من هنا وانا اخذت الاوراق من هنا وجلست اللزقها ببعض

وجلست ساعتين واشوي ليمن وصلت للورقه اللي ابيها ولقيت الرقم موجود بس اقل بكثير من قبل

تقريبا 15مكالمه لكن اللي قاهرني انه فيه مكالمه لها الرقم بنفس يوم زواجي

وكمان بنفس اليوم اللي ردينا فيه من هالدوله ومدتها38دقيقه السؤال هنا متى كلم وان فين كنت

لان هذيك الليله بالتحديد كنت معاه اغلب الوقت ووالله بديت اشك فعلا

وبعدها صرت ادور باوراقه وللاسف لقيت ايميل لبنت وكاتب جنبها المدينه اللي هي فيها

وهي نفس المدينه اللي احنا فيها

وايميل ثاني وجنبه اسم البنت والمدينه اللي هي فيها بس اهون شوي بعيده عنا هالمدينه

وانا من اسبوع وانا متغيره عليه مااكلمه الا بالعافيه مع اني اقوم بكل واجباته

وكل اشوي يسالني اش فيك وانا ماارد في الاخير عرف انه منه هو بس اش السالفه موداري

وانا بصراحه ماني قادره اتحمل الشك فيه اكثر من كذا

ونسيت مااقولكم اننا متعودين على الصراحه من ايام الخطوبه...

بس الموضوع هذا ماني عارفه اصارحه ولا لأ؟

وبصراحه عشان مااظلمه...

انه طيب معايه مرررررررره ويحاول يسعدني قد مايقدر

وانا دائما ازعل من شئ ومن لاشئ ودائما يراضيني...

وقبل الاخير احب اقولكم ان زوجي مافكر في يوم من الايام انه يفتح جوالي

او يسالني من تكلمين او من رقمه هذا وحتى ان كان الرقم مخزن بالجوال من غير اسم

ولا حاول يفتح فاتورتي بالرغم من انها تجي واجد

مع العلم انه هو اللي يدفعها..............وسلامتكم

ادري والله طولت عليكم مره بس ابي رايكم

اقول له وارتاح من هالهواجيس ولا اسكت ولا اقول شي؟؟؟

ساعدوني واللي يعافيكم والله محتاره ومو عارفه اش اسوي

نسيت مااقولكم بالتحريات الخاصه اللي قمت بها لقيت ان الرقم وللاسف لإمرأه

ولقيت الرقم اللي بالفاتوره مغيره زوجي في جواله بعد ماطلبته اشوف فاتورته

هاه وش رايكم اش الحل؟؟؟؟؟؟؟؟؟؟؟؟؟