ارجوكِ لاتحطين نفسك بمكان زوجته

السلام عليكم ورحمة الله وبركاته

انا من المتابعات لعالم حواء من سنوات وعارفه انو فيكم من راح تشور علي وتعتبرني مثل اختها
وارجوكم تراعوني وماتجرحوني بكلام لان اللي فيني مكفيني وصار لي سنين وانا عايشه بعذاب وتأنيب ضمير فظيع واحلف لكم اني تعبانه مره وحياتي احسها بتضيع..
(قبل لا اتكلم اعذروني على اسلوبي لاني اول مره اكتب في منتديات)
اولاً بتكلم لكم عن نفسي انا بنت ناس ولله الحمد محافظين ومتربيه واعرف الحلال والحرام لكن مريت بظروف قاسيه في فترة مراهقتي الشي هذا خلى الشيطان يلعب في راسي وصرت احاول اشغل نفسي باغاني وطلعات وتلفزيون ومقضيه وقتي بهالاشياء وابقولكم الشي اللي ما عمري اعترفت فيه لاحد لاني انا في شخصيتي ما احب ابين اني ضعيفه او انه في شي ناقصني وهو اني فاقده حنان بقوووووه
ودايماً احس ان قلبي يتقطع اذا فكرت بالحنان (الحين وانا اكتب لكم قاعده ابكي)....

المهم انو في الوقت اللي كنت اعيش فيه المشاكل (المشاكل باختصار اني انصدمت بناس مقربين لي حييييل) بديت اسلي نفسي بالنت والماسنجر وبعدين تعرفت لى واحد وصرت اكلمه والله العظيم اني وقتها اذا سكرت منه اجلس ابكي واتندم واستغفر ربي واصلي ركعتين مع انه يتكلم مع باحترام وملتزم وكان ينصحني والشي هذا هو اللي خلاني ارتاح له واتعلق فيه
مرت الايام وعرفني زين وقالي ابتقدم لك وعلمت اختي الكبيره وكنت اصارحها بكل شي فقالت لي لا انتي مجنونه اتركيه ولاتكلمينه وخلي عنك الخرابيط ترا يبدا يشك فيك بعدين وخصوصا انه هو ملتزم شوي ومن هالكلام لحد ما اقنعتني بكلامها
وقلت له وحاول فيني ومارضيت وفجأة وبوقت قصير قالي خطبت وزواجي قريب .......
دعيت له وقلت خلاص الله يوفقك ولاتكلمني ومن هنا بدت المأساة
تفاجئت اول شي انه كلمني في يوم زواجه وضاق صدري مره كنت ابغاه ينساني ويعيش حياته وهنيته وباركت له وماحبيت اطول بالمكالمه
والشي اللي ضايقني انه بدا يرسل لي مسجات بعد زواجه بايام وماتركني طول فترة شهر العسل وانا ما ارد عليه قلت مالي الا اغير رقمي وفعلاً غيرته لكن بديت افز اذا رن تليفون البيت اقول شكله هو وجلست فتره طويله وانا مقفله جوالي وفتحته يوم وعلى طول اتصل ورديت عليه ولقيته مره متضايق ويهاوشني يقولي قلقت عليك ونفسيتي تعبت ولاتسوينها مره ثانيه وكلمته باسلوب جاد وقلت له خلاص انت شفت حياتك والله يهنيك ويسعدك لاتكلمني خلاص ولاحتى سلام وش بيننا صلة قرابة؟؟ عشان تسلم علي؟؟
وكل يوم تتكرر نفس الحكايه وهو الان له تقريبا 4 سنوات متزوج وعجزت اتخلص من هالقصه.......
انا ما احط اللوم عليه هو بس... حتى انا بصراحه احبه وماقدرت اتقبل اي شخص وكل ما انخطب يصير فيني غصه وصياح لحد مايرفضونه اهلي بعدها ارتاح
ووالله العظيم كل شي قلت له واهاوشه واسوي معه مشاكل ودي يكرهني واسب نفسي عنده ويرد علي: تسوين كذا عشان اكرهك؟؟تحسبيني ما اعرفك؟؟
ماتتخيلون وشلون انا متضايقه عليه وعلى نفسي علماً اني ما اكلمه الا مابين فتره وفتره........
اشياء كثيره تصير لكن ما ودي اطول عليكم

بنات انا دايم اتخيل زوج اختي يصير مثله والا انا بعدين يصير لي كذا واجلس ابكي وادعي اني ربي يخلصني من هالسالفه
حتى دايم اوصي خواتي انهم يحشمون ازواجهم لاني اخاف عليهم ووالله العظيم اني اتمنى اني اعرف زوجته واصادقها وانصحها......
انا مره تعبانه حتى شخصيتي متغيره وحالتي حاله
احبه واتمنى اشوفه مستانس وعايش احسن عيشه وضميري يأنبني

وبالنهايه اتمنى انكم تدعون لي وتساعدوني الله يجزاكم خير وارجوووووووكم بدون تجريح لاني عارفه اني غلطانه