ارجولهم باينه من تحت الباب

والله اني مهمومه بسبب اختي :( ،لان مشكلتها لايمكن حلها الا بطرق ملتويه،يعني لازم فكره
( ماتخرش الميه )تبون تعرفون المشكله:المشكله ان اختي ساكنه في بيت جنب بيت اهل زوجها ،يعني البيتين متلاصقين ،وهذي مو المشكله،لكن اهل زوجها قالو لولدهم يفتح باب بينهم،يعني بين بيتهم وبيته ،ولا لقيوا مكان غير الصاله لفتح الباب،يعني تخيلوا بين صالتها وصالتهم باب،كل هذا عشان يعرفوا اخبارها اول باول،تصدقون انهم يدخلون فجأة عليهم وياما دخلو ا وهي بقميص النوم في غرفتها :icon33: ،يدخلون بدون احم ولا دستور ،طبعا ًطفح الكيل من مواقف كثيره حصلت،فطلبت منه اقفال الباب واذا بيجون يتصلون واهي تفتح لهم والحمد لله وافق ،والحين اختي تقول انهم ليل ونهار متسمرين عند الباب
واصلاً باينين من تحت الباب ،وكذا مره زوجها شافهم لكنه ماسوى ولا شى ،تخيلوا همهم يتسمعون ويتنصتون ،ومثل مانتم عارفين الحياه الزوجيه لابد فيها من المشاكل،فكل مشكله تصير بينها وبين زوجها يعرفون تفاصيلها،مع انها تقول له خلينا نتفاهم في الغرفه وتطلب منه دايم ان يخفض صوته،لكنه يعاند يحسب ان اللي يعلي صوته شخصيه،وطبعا لمايسمعوا صوت ولدهم على طول يدقوا الباب لين مايفتح ولدهم وتساله الام بكل جرائه : ليش وش صاير وش مسويه زوجتك ،الله يعينك ياولدي .
والله اختي نفسيتها تعبانه،علشان كذا ابي منكم الحل ،ابي فكره عشان تلغي الباب نهائياً،بدون ماتترك لهم فرصه علشان يجرحوها ويقعدوا يتشكوا لولدهم،تكفون بابنات فكروا في حل عسى الله يفرج كربكم ويوفقكم .