ارجووكم يا اخواتي قربت اجن !!!

اخواتي في الله
ارجوو منكم ان تساعدوني في مشكلتي مع بنتي لاني والله احس اني صرت مب طبيعية واحس اني مجنونه افكر في افكار مثل اقتل نفسي او اقتلها ... يجيني احساس دايم اني اكرهها واتمنى اتخلص منها
استغفر الله العظيم
والله اني اكتب ودموعي ما اعرف كيف امسكها !!

اخواتي انا لي بنتين الاولى عمرها قريب من الثلاث سنوات والثانية عمرها سنة ..
من ولدت بنتي الاولى وانا في ضيق وهم... من اول ليلة كرهتني في شي اسمه عيال
كانت تبكي طوووول الليل وطوووول النهار ولا اعرف شووف فيها .. مرت ذيج الايام وانا اقوول
ما عليه اتحمل باجر بتصير مثل كل الاطفال ....
والحين وصلت درجة ما اتحملها
ما اتحمل اي حركة منها .. اي كلمة ... اعصب على طوول عليها ...
اصرخ عليها .... اضربها .... وبعدين اندم واقعد ابكي ..

بنات والله تعبت من هالحالة ... عنيدة ويايه لاقصى درجة ... كل شي معاها ما بيصير الا بعنف
اكلها .. لبسها .. حمامها ... نومها ... كل شي لازم بضرب وبعصبية مني .. وعناد منها ...

الكل يقولي كل الاطفال جذيه بس بنتج شوي زيادة حبتين ...
وانا اعرف في خاطري ان المشكلة فيني مب فيها ..... انا دايم احس اني ما اريدها .. واريد اتخلص منها ... ودايم مشاكل بيني وبين زوجي .. بسبب تصرفاتي وياها .. حتى شخصيتي جدام اهلي .. وجدام اهل زوجي صارت تحت الارض... صرت يوم اعصب عليها .. ما اقدر امسك نفسي حتى لو جدام احد غريب او اكوون مش في البيت ..
وايد صارن لي مواقف سيئة ماا قدر امسحها من ذاكرتي يوم ارووح مكان وتعصب فيني
في السوق .. في الرحلات .. في الزيارات .. عند اهلي .. صرت جدام الكل الحين الام الشريرة اللي ما تستاهل يكون عندها عيال ..
اعرف ان كل اللي راح يقرا الحين موضوع راح يقوول عني نفس الشي
وانا وياااكم .. لكن ما اعرف ليش انا صرت هالشكل بعد ما كنت اموووووت في شي اسمه اولاد وبنات
...


ساعدوني انصحوني وادعولي بالهداية
اتمنى اكون وصلت لكم اللي اريد اقوووله واسمحوا لي لاني واااايد متضايقة الحين .....:(