امي ياناس امي اللي تعبت وحملت وربت ودرست وكبرت
امي اللي اكلتنا وشربتنا ولبستنا
امي اللي حرمت نفسها الراحه عشاننا
امي اللي سهرت الليالي اذا مرضنا
امي اللي قلبها يوجعها اذا تألمنا
امي اللي صبرت على اهانات ابونا عشاننا
امي اللي لما تطلقت اشتغلت وماقبلت تتزوج عشان تربينا
امي اللي تخلت عن سعااادتها عشااااننا احنا اللي يسمونا عيال بطنها
حكيتلكم كل هذا المقدمه عشان تعرفوا قد ايش امي تعبت عشاننا صبرت على ابي لما رفع عليها السلاح اخذ ذهبها واكل حقوقها ابوها مات من يوم ماكانت صغيره بعد ماطلقها ابي الطلقه الثالثه وماعاد يصلح ترجعله كان عمرها 38 سنه كنا احنا صغار اخواني الكبار كانوا بالعشرينات تقدمولها اثنين وماوافقت تتزوج عشان خافت ان اللي بيتزوجها مايتقبلنا رغم انه رجال غني يبغى يتزوجها عشان تجيبله اطفال لان زوجته عقيمه اخته اللي جات تخطب امي قالتلها بيكتبلك بيت باسمك تعييشي انتي وعيالك وكم ماطلبتي بيعطيك هو بس يبغى منك اطفال امي رفضت رفض قاطع رغم انها كانت صغيره هذا كله عشاننا احنا عيااال بطنها
امي تحركت واشتغلت ماكان عندها شهاده بس كانت تطبخ اكلات وتبيعها للناس كانت كل يوووم تطبخ وتتعب عشاننا ليل نهار ماكانت ترتاح كان قلبي يتقطع عليها وكل يوم ابكي عليها واقول يارب اخواني يشتغلوا عشان يساعدوها بعد ماشتغلوا اخواني بالبدايه كانوا يساعدوها ويحترموها اختي الكبيره كانت متزوجه
الان اختي مطلقه واخواني كل واحد يهينها والله يابنات يسبوها واختي هذي الله لايوفقها تدعي على امي وتسبها كل يوووم فاقعين قلبها تمرض ولا احد يلتفتلها لو احتاجت فلوس ماحد يعطيها عندي اخ كان بار فيها الان انقلب حاله كل يوم يهينها طالع داخل يهزء فيها على اي شي تافه كل يوم تشكيلي وتبكي وانا ابكي معاها اليوم شكتلي من اخي عمره 28 من زمان يبغى يتزوج بس ربي ماوفقه للزواج كل مانخطبله يرفضوا مع انه ماشاء الله وسيييم وشكله شخصيه كلامه لبق مع الناس اخر وحده خطبناها له وافقوا بقى على الزواج شهر اخوا العروسه فسخ الخطبه
بعدها صار انسان وحش على امي
جوالها تعطل وماجاب لها غيره رجعت تكلمني من جوال اخي الصغير حلف عليها انه ماتلمس الجوال وكلمتني من جوال بنت عمي تقولي جوالي تعطل ماقدر اتواصل معك ان شاء الله اذا ربي رزقني بشتريلي جوال وحاليا بكلمك من عند بنت عمك
اليوم كانت تشكيلي منه ومنهااااره تقول اخوك اليوم جرحني يعايرني بأنه يصرف علي ويقول انا مصيبه وانا السبب في تطفيش ابوكم وكلام اكثر من كذا
قالت قهرني قهرني وحسيت قلبي ينغزني تذكرتك وتحملت
انا دايما اخاف يصيرلها شي بسببهم واقولها تحملي اللي يخليك عشاني
ياليت اقدر اجيبها عندي بس الطريق اللي بيني وبينها مقطووع
مره اختي كلمتني كلام كذب على امي لما دافعت عنها ونصحتها من يومها قاطعتني لنا سته شهور
هذا كله ليش دافعت عن امي ونصحتها قاطعتني
وتجلس تسبني بالبيت تكرهني وتكره عيالي واذا شافت امي تطالع صورهم تعلق عليهم وتتمسخر عشان بس تغيض امي
ماقول الا حسبي الله ونعم الوكيل على اللي اسمهم اخواني
اذا دعيت عليهم امي تقولي لاتدعي عليهم قولي الله يهديهم بس
هم ذول اخواني اللي امي تخلت عن حياتها عشانهم بالاخير يجازونها هالجزاء الله ينتقم منهم ويبتليهم بعيالهم
اللي ابغاه منكم ياخواتي كلام مرتب ارسله لاخي احسسه بتأنيب الضمير ابغاه يصحى على حاله
وابغى كمان قصص وفيديوهات مؤثره عن الام
وابغى جميع الاحاديث اللي تتعلق بالبر وعقوبات العقووق
وادعوا ان الله يطول بعمر امي المسكينه😢
اطفالي كل دنيتي @atfaly_kl_dnyty
محررة برونزية
يلزم عليك تسجيل الدخول أولًا لكتابة تعليق.
اطفالي كل دنيتي
•
سبحان الله
جينان..
•
حاولي تاخذين امك عندك بأي شكل
ارحمي حالها
اخوانك قلوبهم ميتة وصدقيني بيشوفوها بحياتهم قبل مماتهم
ولا رح يتأثروا لا بكلام ولا بغيره
اكتبي بقوقل بيطلع لك كل شي تقدرين تحاولين
لكن ما اظن بيفيدك الي امه هانت عليه مرة بتهون الف مرة
للاسف ابتلاء امك كبير ارحميها حاولي تاخذينها شلون الطريق الي بينك وبينها مقطوع ؟
ارحمي حالها
اخوانك قلوبهم ميتة وصدقيني بيشوفوها بحياتهم قبل مماتهم
ولا رح يتأثروا لا بكلام ولا بغيره
اكتبي بقوقل بيطلع لك كل شي تقدرين تحاولين
لكن ما اظن بيفيدك الي امه هانت عليه مرة بتهون الف مرة
للاسف ابتلاء امك كبير ارحميها حاولي تاخذينها شلون الطريق الي بينك وبينها مقطوع ؟
الله يعوض صبرها بخير أمك ليش مو مسجله في الضمان الاجتماعي وليش ما تقوى شخصيتها وتغير مفاتيح بيتها وخلى حيوان منهم يدخله إلا برضاها والأخت المطلقه هذي ورا ما ترد لزوجها أمك لو تكسر خشيمهم ما يرفعون رؤوسهم في وجهها
لا الكلام ولا النصائح ما تفيد مع بعض البشر
واذا أمكن جيبي أمك عندك حتى لو فترة زمنية حتى يعرفون أن الله حق
لا الكلام ولا النصائح ما تفيد مع بعض البشر
واذا أمكن جيبي أمك عندك حتى لو فترة زمنية حتى يعرفون أن الله حق
كـاچـو
•
لا إله إلا الله
حبيبتي بشّري أمك لأن الله ابتلاها بعيالها العاقين
النوعيات هذي لو تجيبين لهم شيوخ مابتأثروا فيهم وانتي من تكلمتي مع اختك قطعتك يعني تبين ترسلين لهم مقاطع ويسمعونها لا ياقلبي ع طول بيسوون حظر
مالك الا انك تصبرين امك شكلك بعيدة عنها ماتقدرين تروحين لها اذا زوجك ولد حلال جيبيها اسبوع عندك تغيّر جو يمكن ربك يليّن الحديد اللي مغطي قلوبهم
حبيبتي بشّري أمك لأن الله ابتلاها بعيالها العاقين
النوعيات هذي لو تجيبين لهم شيوخ مابتأثروا فيهم وانتي من تكلمتي مع اختك قطعتك يعني تبين ترسلين لهم مقاطع ويسمعونها لا ياقلبي ع طول بيسوون حظر
مالك الا انك تصبرين امك شكلك بعيدة عنها ماتقدرين تروحين لها اذا زوجك ولد حلال جيبيها اسبوع عندك تغيّر جو يمكن ربك يليّن الحديد اللي مغطي قلوبهم
الصفحة الأخيرة