ارجوووكم تكفون ساعدوني

السلام عليكم ورحمة الله وبركاته
اسال الله بأن يجزى من تدلني على علاج ابني الفردوس الاعلى من الجنه
ولدي عمره الان 4 سنوات كانت ولادته طبيعيه وصحته ممتازه وبعد عمر تقريبا سنة و8 اشهر بداء يتغير وكان عصبي وصياح جدا جدا ولايطاق. وكان يضرب راسه في الارض بقوه وبعنف اذا زعل او احد اخذ منه شي وتعرفون انتم كيف الاطفال مع بعض وهوشاتهم
استمر بضرب الراس الى عمره هذا احياننا يخف واحياننا يزيد


ويعض ولا احد يقدره لا انا ولا ابوه واعصابه اكبر من عمره لدرجة مانقدر نعالج اسنانه لا بقوه ولا بهداوه ولا باي اسلوب عجزززززززت
ورحت به للمستشفى العسكري بالرياض من عمر 'سنتين الى الان وفحصوه. ولم يتبين شي وصارو يعطونه موعد للسلوك والاعصاب وللتخاطب لان عنده تاخر في النطق
ومواعديهم الله لايوريكم. بعيده وبدون جدوى
وتحاليل بعد سنه للخارج ارسلوها وجيناهم يقولون الغيت العينة يوو غيرها وموعد بعد سنه تقريبا
ووديته عند مشايخ وقراء لكن الله الشافي هو المعين سبحانه
ودخلته روضة قلت ابيه يصير اجتماعي ويختلط مع الاطفال ويتعلم كيف اللعب لكن متعلق فيني اذا وحت يصيح وقالو خليه وروحي وخليته ممكن كذا يوم وجيته مره
لقيته فالشمس اثره مايدخل الفصل وهم يقولون مانقدره
ثم قالو لي عطينا فلوس زياده ونخليه عندنا ولا طلعيه
مو طبيعي ولدك
اللي ابيه تكفون
ابي افضل دكتور استشاري مخ واعصاب اطفال
اراجع عنده
لان وضعه مايتحسن ويتفل اعزكم الله ولايستجيب للتوجيهات والصح والخطاء معما علمت وابي دكتور اودكتورة تعديل سلوك وتخاطب
سواء مركز او عياده طبعا 👈🏻بالرياض
والله يحفظ لكم اولادكم ولا تشوفون مكروه يارب