السلام عليكم ورحمة الله وبركاته
انا كنت من قبل مخبرتنكن عن اختي الي تركت البيت 00 والله يشهد شقد حاولنا وياها انها ترد بس ماكو فايده 00 واللوالده يابنات بتموت كثر ماتحاتيها 00 تراها خايفه عليها من عقاب الله 00
ومن اسبوع دقت على امي تبي تشوفها لانها اشتاقت لها والوالده ماصدقت قامت وسارت ع المنتزه لانها اهي طلبت شذي ماتبي تشوف اخوي 0 المهم انها يوم شافت الوالده قامت تصييح وتصييح وتحضنها قوي بس الله يهديها مارامت ترمس بالسالفه رافضه اي كلام بالموضووع وحاولت الوالده تقنعها انها ترد وبعد ماطاعت 00 والله يابنات اني احس فيها شي تراها موطبيعيه يالسه بين نارين تبينا وماتبينا عيزنا وياها 00 وطبعا لانها رافضه تسمعنا انا قلت اطرشلها ايميل واشرحلها شقد انا نحبها (تراها تحسب انه ماكو احد يحبها ودوم تسب خواتي المتزوجات وسوت حقهن مشاكل ويا ريايييلهن لانهن مايعجبهن لبسها وروحاتها ورداتها وطبعا هالشي من كثر خوفهن عليها بس هي ماتفهم لان ربيعاتها دوم يحشون براسها انهن يغارن منها ويعارن على رياييلهن منها )
وابي اشرحلها ان ماكو احد بيفيدها يوم تعصي ربها وان كل ربيعاتها بيتخلون عنها لوبس تناجرت ويا احد منهن وابي اذكرها بالوالده وعقوقها لها وان الله بيعاقبها اشد العقاب وانه لازم تغتنم فرصة وجودها بالحياة قبل لاتندم ندم شدييد وابي اذكرها بالموت وبالقبر ترا احس انها تتخبط وبس تبي احد يعينها ع الصواب وابي احط لها صوره للقبر لعل وعسى الله يهديها قولو امين 0
انا ابي منكن تساعدني بصياغة التعبير ابي اشدها واقنعها باي طريقه ارجوووكن ترى الله بيجزاكن خيير كثير و*****الله يهديها ويصلح بالها ترانا والله بنسامحها على كل شي وبنبتدي وياها من جديد بس ساعدووني بالكلام الزين لاني ما اعرف اعبر زين ارجوووكن ياحواءيات تراها ايام فضييله وبتحصلن الاجر الكبير ان شاء الله
نيرماسا @nyrmasa
عضوة جديدة
ارجوووكم ساعدوني بكتابة رساله حق اختي الي شارده من البيت والله الوالده تكسر الخاطر
47
7K
يلزم عليك تسجيل الدخول أولًا لكتابة تعليق.
سباحة الرس
•
الله يردها سالمه ويهديها يارب بس ايش السبب اللي يخليها تطلع من البيت .ووين ساكنه
الصفحة الأخيرة